काठमाडौं– सशस्त्र प्रहरी बलको रिक्त रहेको अतिरिक्त महानिरीक्षक (एआईजी)को १ पदमा बढुवा हुनका लागि चार जना नायव महानिरीक्षक (डीआईजी)ले आवेदन दिएका छन्।
सशस्त्रका नवनियुक्त आईजीपी पुष्पराम केसीले ३ दिनको म्याद दिएर एआईजी बढुवाका लागि गत चैत ३० गते आवेदन आह्वान गरेका थिए।
आवेदन आह्वान गरिएकोमा ४ जना डीआईजीले आफू एआईजीमा बढुवा हुनुपर्ने भन्दै फारम बुझाएका छन्।
आवेदन दिनेहरुमा पहिलो नम्बरका डीआईजी राजु अर्याल, दोस्रो नम्बरका नारायणदत्त पौडेल, तेस्रो नम्बरका सिपी (चन्द्रप्रकाश) गौतम र उनीहरु भन्दा पछि बढुवा भएका वंशिधर दाहाल गरी ४ जनाले आवेदन बुझाएका छन्।
सशस्त्र प्रहरीमा अब बढुवा हुने एआईजीले नै यही वैशाख १८ पछि संगठनको नेतृत्व गर्ने अवसर पाउनेछन्।
सशस्त्र प्रहरीमा २ जना एआईजीको दरबन्दी छ। जसमध्येका पुष्पराम केसी गत बुधबार मात्रै आईजीमा बढुवा भएका थिए। केसी आईजीपीमा बढुवा भएपछि रामशरण पौडेल मात्रै एआईजी छन्।
३० वर्षे सेवा अवधिका कारण केसी र पौडेल आउँदो वैशाख १८ गते अनिवार्य अवकाशमा जाँदैछन्। त्यसपछि अब बढुवा हुने एआईजी नै आईजीमा बढुवा हुनेछन्। सशस्त्रमा एआईजीबाट मात्रै आईजी बढुवा गरिने प्रावधान छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1773643707.png)
