काठमाडौं– पाकिस्तानका नवनियुक्त प्रधानमन्त्रीमा शाहबाज शरीफले इतिहासमै पहिलो पटक अविश्वासको प्रस्ताव सफल भएको र ‘सत्यको जित, असत्यको हार’ भएको बताएका छन्।
सोमबार राष्ट्रिय सभामा विश्वासको मत पाएपछि उनले उक्त कुरा बताएका हुन्। ‘आजको दिन निक्कै महत्त्वपूर्ण रह्यो। पाकिस्तानी मुद्रा ८ रुपैयाँले बलियो भएर १९० बाट १८२ मा फर्कियो। यो दिनलाई स्मरणीय दिनको रूपमा मनाउनुपर्छ,’ उनले भने।
यसबीच आफूले आसिफ अली जर्दारी र बिलावल भुट्टोलाई लामो समयअघि भेटेको र अविश्वासको प्रस्ताव ल्याउने निर्णय गरेको उनले बताए। उनले धेरै छलफलपछि ‘इतिहासकै यो सबैभन्दा अक्षम सरकार’ विरुद्ध अविश्वासको प्रस्ताव ल्याउने निर्णय भएको बताए।
उनका अनुसार गत ८ मार्चमा आपसी छलफलपछि प्रस्ताव पेस गरिएको हो ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
