काठमाडौं– अर्थमन्त्री जनार्दन शर्माले आर्थिक सूचकांक सकारात्मक हुँदै गएको दाबी गरेका छन्। उनले फागुनसम्म कतिपय सूचकांक सुधारतिर गएको दाबी पनि गरे। उनले ऋण, विप्रेषण, अनुदार राजश्व संकलन वृद्धि भइरहेकाले अहिलेको संकट कम हुने बताएका छन्।
सोमबार अर्थमन्त्रलयमा पत्रकार सम्मेलन गर्दै उनले अर्थतन्त्रमा संकट नआएको समेत बताए। उनले अर्थ व्यवस्थामाथि राजनीति नगर्न पनि आग्रह गरे।
मन्त्री शर्माले विश्वभर संकट आइरहेको तर तर्सिनुपर्ने अवस्था नरहेको बताए। उनले यसमा कुनै पनि राजनीतिक दलले राजनीति गर्न आवश्यक नहुने टिप्पणी गरे।
मन्त्री शर्माले विदेशी लगानी बढाउने, विलासिताका सामानहरुको आयात कटौती गर्ने र उत्पादनका क्षेत्रमा लगानी बढाउने बताए। अर्थ मन्त्रालयले आवश्यकता अनुसारको कदम चाल्दै जाने उनको भनाइ छ।
उनले मन्त्रिपरिषद्मा केही प्रस्ताव पनि लगिएको दाबी गरे। उनले पहिलो ७ महिनाको वित्तीय सूचक हेर्दा यस्तो निर्णय लिनु परेको दाबी गरे। मन्त्री शर्माले पेट्रोलमा धेरै रकम विदेश गएकाले यसलाई कम गर्न मन्त्रिपरिषद्मा केही निर्णय गर्ने जानकारी दिए।
अत्यावश्यिकबाहेक अन्य कार्य नगर्न सरकारी निकायमा कटौती उनको भनाइ छ। उनले सार्वजनिक बिदामा सरकारी गाडी प्रयोग नगर्ने, विलासिता र विलासिताका सामानहरुको एलसी खोल्न कडाइ गर्ने निर्णय मन्त्रिपरिषद्मा पुगेको जनाए।
त्यस्तै श्रमिकहरुको लगानीहरुलाई उच्च प्राथमिकता दिने मन्त्री शर्माको भनाइ छ। विदेशमा रहेका नेपालीहरुलाई आईपीओ र एफपीयो सार्वजनिक गर्दा प्राथमिकता दिने उनी बताउँछन्। एनआरएनहरुलाई पनि केही सुविधा दिने मन्त्री शर्माले बताए।
आयात नियन्त्रण गर्नका लागि के गर्ने भन्ने विषयमा छलफल भइरहेको उनले सुनाए। उनले विदेशी विनियम सञ्चितका लागि केही कदम चालिएको भन्दै अब सुधार हुने दाबी गरे। ‘विगतमा आर्थिक वृद्धि सोचेअनुसार हुन सकेन। तर, अब यसमा सुधार आउने छ’, उनले भने।
चालु आर्थिक वर्षमा ७ प्रतिशत वृद्धिको लक्ष्य राखिएको उनले दाबी गरे। मन्त्री शर्माले ९८ प्रतिशत उद्योग सञ्चालनमा आएको र वैदेशिक रोजगारीमा पनि सुधार भएकाले आर्थिक वृद्धिमा सुधार आउने दाबी गरे। उनले मुद्रास्थिति ५ दशमल ४ रहेको बताए।
उनका अनुसार आयात र निर्यात ३३.९ प्रतिशतले वृद्धि भएको छ। व्यापार घाटामा पेट्रोलमा भएको वृद्धिले चाप थपेको उनले बताए। ११७१ अर्ब सञ्चिति हुने र यसले ६/७ महिना धान्न सक्ने उनले बताए। शर्माले विप्रेषण ४ प्रतिशत कमि आएको तर फागुनमा वृद्धि भएको उल्लेख गरे।
वैदेशिक रोजगारीमा जानका लागि श्रम स्वीकृति लिने क्रम र वैदेशिक लगानी पनि बढेको दाबी गरे। संघीय सरकारको ४७ प्रतिशत खर्च भएको भन्दै उनले चालु आर्थिक वर्षमा विगतभन्दा यो खर्च बढेको बताए।
उनले राजश्व पनि वृद्धि हुँदै गएको दाबी गर्दै आन्तरिक र बाह्य ऋण परिचालन पनि बढेको बताए। उनले ११६ अर्ब बराबरको रकम परिचालन भएको उल्लेख गरे। सार्वजनिक ऋण १८५४ अर्ब रहेको मन्त्री शर्माको भनाइ छ।
निक्षेप संकलन ३ प्रतिशतले बढेको र कर्जा १२ प्रतिशतले बढेको उनको भनाइ छ। उनले निक्षेपभन्दा कर्जा प्रवाह धेरै हुँदा तरलता अभाव भएको दावी बताए। मन्त्री शर्माले सहुलियत कर्जा प्रदान गर्दा पनि यस्तो चाप अर्थतन्त्रमा परेको दाबी गरे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1786602170.png)
-1786513116.png)
