काठमाडौं– दक्षिण भारतीय फिल्म ‘केजीएफ २’ र नेपाली फिल्म ‘ए मेरो हजुर ४’ वैशाख १ बाट भिड्दै छन्। सिनेमा हलमा एकैदिन प्रदर्शन हुन लागेका यी फिल्मलाई लिएर अहिले निकै चर्चा भइरहेको छ।
‘ए मेरो हजुर ४’को प्रचारपसारमा लागेका निर्माण पक्ष र कलाकारहरुले फिल्मको चर्चा मात्रै नभएर राष्ट्रवादको विषयलाई पनि जोडेर फिल्मतर्फ दर्शकलाई आकर्षित गर्न खोजिरहेका छन्। सामाजिक सञ्जालमा चर्चित रहेका कलाकारहरुलाई पनि प्रयोग गर्दै उनीहरु फिल्मको प्रचारपसारमा जुटेका छन्।
यसबीच सिनेमा हलमा दुवै फिल्मको टिकट बुकिङ खुल्ला भएको छ। हलमा टिकट बुकिङ हेर्दा भने ‘ए मेरो हजुर ४’को व्यापक प्रचारपसारका बाबजुत पनि दर्शक आकर्षित हुन नसकेको देखिएको छ।
नेपालको ठूलो सिनेमा हल चेन ‘क्युएफएक्स’का देशभरका सिनेमा हलहरुमा ‘केजीएफ २’को पहिलो दिनका अधिकांश शोहरु भरिएका छन् भने बाँकी रहेका केही तीव्र गतिमा भरिरहेका छन्। उपत्यकाभित्र भक्तपुरमा बिहानको ७ः १५ देखि दिउँसो ३ सम्मका ६ वटा शोहरु भरिएका छन्। त्यस्तै, छाँया सेन्टरमा बिहानका ती शोहरु भरिएका छन्। लबिम मल र सिभिल मलमा पनि ‘केजीएफ २’को टिकट बुकिङ तीव्र रुपमा भइरहेको देखिएको छ।
ठीक विपरीत क्युएफएक्सभित्रै ‘ए मेरो हजुर ४’को भने सुस्त गतिमा बुकिङ भइरहेको छ। सिभिल मलमा आशिंक रुपमा टिकट बुकिङ भएका छन् भने आधाभन्दा धेरै टिकट बाँकी छन्। लबिम मलमा पनि अवस्था त्यस्तै छ। भक्तपुरको क्युएफएक्समा पहिलो दिनभर जम्मा तीन शो पाएको फिल्मको बुकिङ त्यहाँ पनि कछुवा गतिमा देखिएको छ।
क्युएफएक्समा मात्रै नभएर बिग मुभिजमा पनि अवस्था त्यस्तै छ। बिग मुभिजमा पनि ‘केजीएफ २’का टिकटहरु बुक भइसकेका छन् भने ‘ए मेरो हजुर ४’को टिकट बुकिङ निकै सुस्त गतिमा अघि बढेको छ।
‘क्युएस सिनेमा’मा ‘ए मेरो हजुर ४’ले वैशाख १ को प्रदर्शनका लागि केवल एउटा शो पाएको छ। तर, उक्त शो पनि दर्शक नपाउने अवस्थामा छ। टिकट बुकिङ सुस्त गतिमा भइरहेको छ। अर्कातिर, दिनभर पाँच शो पाएको ‘केजीएफ २’को भने टिकट बुकिङ तीव्र रुपमा भइरहेको छ। बिहान ६ बजेको शोमा पनि टिकट बुकिङ भइसकेको छ।
त्यस्तै, रञ्जना सिनेप्लेक्समा पनि ‘केजीएफ २’को दिनभरका शोहरु तिव्र रुपमा बुक भइरहेका छन्। तर, ‘ए मेरो हजुर ४’मा भने सिमित दर्शकको उपस्थिति मात्रै देखिएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
