काठमाडौं– नेकपा एमालेका उपाध्यक्ष सुरेन्द्र पाण्डेले देशमा राजनीतिक होइन, आर्थिक संकट आउने चेतावनी दिएका छन्। आइतबार नेकपा एमालेले आयोजना गरेको पूर्वअर्थमन्त्रीको कार्यक्रममा सबै मिलेर जानुपर्ने बताए।
'अहिले राष्ट्रव्यापी रुपमा सरकारले सबैलाई मिलेर संकट आउन लागेको हो भने तपाईंहरुको सहयोग चाहियो भन्ने बेला हो। यसमा आग्रह र पूर्वाग्रह राखेर होइन, देश ठूलो कुरा हो', उनले भने, 'अब देशमा राजनीतिभन्दा अर्थतन्त्रमा संकट आउनसक्छ। त्यस्तो बेलामा राजनीतिलाई पर सारेर वादविवाद पछि गर्दै गरौँला, यो केसमा मिलेर जाऔँ भन्नुपर्ने हो।'
उनले सरकारको अहिलेको तरिका गम्भीर ढंगले दुर्घटनातर्फको यात्रा हो कि भन्ने आफूलाई लागेको बताए। उनले गभर्नर हटाउने निर्णयको पनि आलोचना गरे। गभर्नर नहुँदा संकट आउने उनले दृष्टान्त पनि दिए।
'म अर्थमन्त्री भएको बेलामा गभर्नर थिएनन्। कार्यवाहकले चलाउनुपरेको थियो। नोट छाप्न नपाउने। फुल गभर्नरले मात्रै नोट छाप्न पाउँछ', उनले भने, 'अब यो संकट लम्बेर गयो भने नोट पनि छाप्न पाइँदैन।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1773643707.png)
