काठमाडौं– नेकपा एमालेका नेता एवम् पूर्वअर्थमन्त्री युवराज खतिवडाले अहिलेको सरकारले गठबन्धन जोगाउने बाहेक मुलुकको अर्थतन्त्र सुधार गर्नेतर्फ ध्यान नै नदिएको टिप्पणी गरेका छन्।
मुलुकको आर्थिक अवस्थाबारे एमालेको धारणा सार्वजनिक गर्न आयोजित पत्रकारसम्मेलनमा उनले यस्तो बताएका हुन्।
‘गठबन्धन जोगाउने बाहेक अन्यतर्फ सरकारको ध्यान नै रहेन। व्यवसायीक वातावरण सुधारले निजी क्षेत्रमा लगानी बढाउने काम भएको छैन,’ उनले भने, ‘गठबन्धनमा रहेका दलहरुको फरक–फरक सोचले सबैमा नैराश्य पैदा भएको छ। देउवा नतेृत्वको सरकार साख गुमएको छ।’
सरकारका कारणले गर्दा दातृ निकायमा संशय र अविश्वासको वातावरण सिर्जना भएको उनको भनाइ छ। ‘अर्थतन्त्र सुधार गर्नेतर्फ कुनै पनि ध्यान गएको छैन। औपचारिक व्यापारभन्दा अनाधिकृत व्यापार बढाउन उद्दत भएको छ,’ उनले भने, ‘सरकारले गलत काम गर्ने र अनावश्यक रुपमा विभिन्न क्षेत्रमा हस्तक्षेप गर्ने काम भएको छ।’
विकास साझेदार संस्थाहरुलाई विश्वासमा ल्याएर काम अघि बढाउन सरकार पूर्ण असफल भएको उनको भनाइ छ। सम्पत्ति शुद्धीकरण गर्ने काममा पनि सरकार उल्टो बाटोबाट अघि बढिरहेको उनले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1786602170.png)
-1786513116.png)
