मोरङ निर्वाचन क्षेत्र ६ बाट प्रतिनिधि सभा सदस्यमा निर्वाचित एमाले नेता लालबाबु पण्डित गृहजिल्लामा चुनाव केन्द्रित कार्यक्रममा व्यस्त छन्। मोरङबाट प्रतिनिधिस भामा चुनाव जितेका र पूर्वमन्त्री समेत भइसकेका पण्डितको अहिले विराटनगर महानगरपालिकाको मेयरमा निर्वाचन लड्दैछन् भन्ने चर्चा भइरहेको छ। नेकपा एमालेका स्थायी कमिटी सदस्य समेत रहेका पण्डित गृहजिल्लामा स्थानीय तहको निर्वाचन केन्द्रित गतिविधिमा व्यस्त भइरहँदा विराटनगरमा उनी अब मेयरमा चुनाव लड्न सक्ने संकेतका रुपमा पनि बुझेका छन्। उनी आफैंले यसबारे प्रष्ट बोलेका छैनन्। विराटनगरको मेयरको चर्चा भइरहँदा पण्डितसँग नेपाल लाइभले गरेको संक्षिप्त कुराकानी :
विराटनगर महानगरपालिकाको मेयर लड्ने चर्चा भइरहेको छ नि?
अब चुनाव आएपछि एमाले नेताहरुको चर्चा हुनु स्वभाविक हो। पार्टीको जे निर्णय हुन्छ त्यसैलाई नै मानेर जाने हो। मेरो कुरा म बैठकमा नै राख्ने हो। बजारमा नै अहिले राखेर हुँदैन।
नेतृत्वसँग तपाईंको यसबारेमा केही छलफल भइसकेको हो?
छैन। मेरो नेतृत्वसँग कुनै छलफल भएको छैन। पार्टीले बैठकले निर्णय गरेमा त्यसै अनुसार मैले पनि गर्ने हो। म पार्टीको सिपाही भएकाले पार्टीले गर्ने निर्णयलाई नै मानेर जान्छु।
संसदीय निर्वाचन जितेको मान्छे, मन्त्री पनि भइसक्नुभो। अहिले महानगरपालिकामा मेयर लड्ने आकाक्षां किन राख्नुभयो?
मेरो व्यक्तिगत आकाक्षां कुनै पनि छैन। पार्टीले आवश्यकता ठान्यो र विशिष्ट परिस्थितिमा भने पार्टीलाई जिताउनका निम्ति म तयार छु।
अहिले केन्द्रीयस्तरमा रहेका नेताहरु किन स्थानीय तहको प्रमुख ताकिरहेका छन्?
मैले कहीँ ताकेको छैन। अरुले ताकेका भए उहाँहरुलाई नै सोध्नुहोला। तर, कुरा के छ भने पालिकाहरुलाई संघीयतामा बढी अधिकार दिएको छ। धेरै अधिकार सुनिश्चित गरेको छ। जनताको सेवा जहाँबाट पनि गर्ने कुरामा कुनै दुई मत छैन। सिंहदरबार त गाउँगाउँसम्म पुगेको छ नि भनेको हो नि। त्यो भनेको अधिकार पुग्नु हो। काम गरेर देखाउनु हो भन्ने भएपछि सबैलाई त्यो भएको हो। चर्चामा आउनका लागि कसैले भन्छ भने त्यो फरक विषय भयो। तर, लोकप्रिय व्यक्तिलाई जनता र नेता कार्यकर्ताले खोजी गर्नु स्वभाविक कुरा हो।
तपाईं तयार हो पार्टीले टिकट दियो भने?
म तयार र अस्वीकार भन्ने कुरा होइन कि कुरा पार्टीले गर्ने निर्णयको हो। म आफू स्थायी कमिटीमा बसेको, नेतृत्वमा रहेको मानिसले मैले पार्टीबाहिर अहिले नै बोलिराख्न मिल्दैन। म योभन्दा अहिले धेरै बोल्दिनँ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
-1735735584.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
