सर्लाहीमा गोली प्रहार गरी १ जनाको हत्या

सुरक्षा/अपराध

नेपाल लाइभ बुधबार, चैत २३, २०७८ २१:०३

काठमाडौं– सर्लाही गोली प्रहार गरी एक भारतीय नागरिकको हत्या गरिएको छ। जिल्लाको मलंगवा नगरपालिका–९ मा बुधबार साँझ भारतीय नागरिकमाथि गोली प्रहार भएको थियो।

गोली लागेर गम्भीर घाइते भएका भारतको सोनबर्सास्थित विष्णुपुर नगरनिगमका ३५ वर्षीय इन्दल महतोको मलंगवास्थित अस्पतालमा मृत्यु भएको हो।

जिल्ला प्रहरी कार्यालय सर्लाहीका प्रमुख प्रहरी उपरीक्षक (एसपी) प्रविण पोखरेलका अनुसार मोटरसाइकलमा आएका व्यक्तिले महतोमाथि गोली प्रहार गरेका थिए।

मंलगवास्थित कृष्णामति विद्यालयको पछाडि महतोमाथि गोली प्रहार भएको प्रहरीले जनाएको छ। गोली प्रहार गरेका व्यक्ति भारततर्फ भागेको सूचना प्राप्त भएको एसपी पोखरेलले बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अर्जुन ट्रफी राष्ट्रिय क्रिकेट प्रतियोगिता भोलिदेखि सुरु हुँदै

सामाजिक सञ्जाल विधेयकप्रति माओवादी केन्द्रको आपत्ति, परिमार्जन गर्न माग

प्रतिनिधिसभामा ६ वटा अध्यादेश पेस, अर्को बैठक २४ गते बस्ने