काठमाडौं– कास्की जिल्ला अदालतमा मध्यराति तोडफोड गर्ने व्यक्ति पक्राउ परेका छन्। मंगलबार राति तोडफोड गरी फरार रहेका व्यक्तिलाई जिल्ला प्रहरी कार्यालय कास्कीको टोलीले पक्राउ गरेको छ।
पक्राउ पर्नेमा पोखरा महानगरपालिका–१५ टुटुंगाका २७ वर्षीय दावा भनिने अर्जुन परियार छन्। सामान्य लेखपढ गर्नसक्ने परियारले मंगलबार राति अदालतको पछाडिपट्टीको ढोकाबाट प्रवेश गर्दै तोडफोड गरेका थिए।
उनी यसअघि चोरी, लागूऔषध र अभद्र व्यवहारको कसूरमा ६ पटक मुद्दा चलेर छुटेका व्यक्ति रहेको पाइएको कास्की प्रहरीका प्रवक्ता तथा डीएसपी सुन्दर तिवारीले बताए।
उनीविरुद्ध पटक २०७३ जेठ ६ गते कास्कीमा अभद्र व्यवहारको कसुरमा मुद्दा चलेको थियो। अभद्र व्यवहारको कसुरमा छुटेपछि ३ महिनामै फेरि भदौ १५ मा अभद्र व्यवहारको कसुरमै पक्राउ परेका थिए। त्यसको डेढ महिनापछि २०७३ असोज ३० मा उनी कास्कीमै चोरी मुद्दामा पक्राउ परी मुद्दा चलेका व्यक्ति रहेको खुलेको छ।
२०७४ कात्तिक २१ गते उनीविरुद्ध कास्कीमै लागूऔषधमा मुद्दा चलेको थियो। २०७४ माघ १७ गते जिल्ला प्रहरी कार्यालय रुपन्देहीले उनीविरुद्ध अभद्र व्यवहारको कसुरमा मुद्दा चलाएको थियो। पछिल्लो पटक २०७५ असार २५ गते कास्कीमै उनीविरुद्ध लागूऔषधको मुद्दा चलेको डीएसपी तिवारीले बताए।
परियारले रड प्रहार गरि इजलास नम्बर १ र ६ मा तोडफोड गरेको थिए। ६ नम्बर इजलासको मिसिललगायतका कागजात छरपष्ट रहेको रहेको थियो। २ तलामाथि रहेको ६ नम्बर इजलासमा फलामको छड प्रयोग गरेर ३ वटा ढोका फोडेको पाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769224076.png)
-1764146706.png)
