काठमाडौं– मानसिक अवस्था कमजोर भएकी एक किशोरीलाई अपहरण गरी, बन्धक बनाएर जबरजस्ती करणी (बलात्कार) गरेको आरोपमा काभ्रे प्रहरीले १ जनालाई पक्राउ गरेको छ।
पक्राउ पर्नेमा काभ्रेको पाँचखाल नगरपालिका–१३ अनैकोट चोक बस्ने ३३ वर्षीय कृष्ण भनिने मंगले तामाङ छन्।
काभ्रे प्रहरीका अनुसार केही दिन अगाडि गत फागुन २३ गतेदेखि १७ वर्षीया किशोरी बेपत्ता भएको भन्दै उजुरी परेको थियो। उजुरीपछि छानबिनका क्रममा तामाङले ती किशोरीलाई भेट्ने गरेको विषय खुलेको थियो। मानसिक स्वास्थ्य कमजोर भएकी किशोरीलाई बेपत्ता हुनु अगाडिसम्म मंगले तामाङले भेट्ने गरेको सूचनापछि प्रहरीले उनमाथि निगरानी गरेको थियो।
प्रहरीका अनुसार तामाङले आफू संगीत क्षेत्रको कलाकार हुँ भन्दै प्रभावमा पार्ने गरेका थिए। यस्तै, केही व्यक्तिलाई उनले आफू धामी–झाँक्री हुँ, झारफुक गरेर रोग निको पारिदिन्छु समेत भन्ने गरेका थिए।
तामाङको भूमिका शंकास्पद लागेपछि प्रहरीले उनको कल डिटेल, मोबाइल लोकेशन ट्र्याक गरेर अनुसन्धान थालेको थियो। मोबाइल लोकेशन ट्र्याक गर्दा उनी इलामको पशुपतिनगरसम्म पुगेको र त्यहाँबाट भारततर्फ गएको देखिएको थियो।
किशोरीको अपहरणमा तामाङकै संलग्नता हुने आशंकाका साथ जिल्ला प्रहरी कार्यालयबाट खटिएको टोलीले बेपत्ता किशोरीको चैत ६ गते इलामको पशुपतिनगरबाट सकशुल उद्धार गरेको हो। प्रहरीले तामाङलाई पनि इलामबाटै पक्राउ गरिएको जनाएको छ।
अनुसन्धानका क्रममा तामाङले ती किशोरीलाई काभ्रेबाट इलाम र इलामबाट भारतको दार्जिलिङसम्म पुर्याएको पाइएको छ। उनले किशोरीलाई बन्धक बनाइ जबरजस्ती करणी (बलात्कार) समेत गरेको पाइएको जिल्ला प्रहरी कार्यालय काभ्रेले जानकारी दिएको छ।
पक्राउ परेका तामाङविरुद्ध अपहरण तथा शरीर बन्धक र जबरजस्ती करणीको कसूरमा अनुसन्धान अगाडि बढाइएको प्रहरीले जानकारी दिएको छ।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
