रुस- युक्रेनमा आक्रमण गरिरहेको रुसका राष्ट्रपति भ्लादिमिर पुटिनकी केटीसाथी स्विट्जरल्यान्डमा लुकेको भन्दै बाहिर निकाल्न पेटिसन सुरु भएको छ।
जिम्न्यास्टिककी पूर्वखेलाडी एलिना काबेवा स्विट्जरल्यान्डमा रहेको बताउँदै चेन्ज डट ओआरजीमार्फत् पेटिसन सुरु गरिएको हो। पेटिसनमा एलिना आफ्ना तीन सन्तानका साथ त्यहाँ लुकिरहेको बताइएको छ।
स्विट्जरल्यान्डको एक अलिशान भिल्लामा एलिना रहेको बताउँदै बाहिर निकाल्न मागसहित सुरु गरिएको पेटिसनमा ५५ हजारभन्दा बढीले हस्ताक्षर गरिसकेका छन्।
एलिनाको उमेर ३८ वर्ष हो र उनी ओलम्पिककी गोल्डमेडलिस्ट हुन्। उनी रुसकै सबैभन्दा लचकदार महिलाका रुपमा जानिन्छिन्। उनी पुटिनकी रसिया युनाइटेड पार्टीकी सांसद समेत भइसकेकी छिन्।
उनी सन् २०२१ को डिसेमम्बर पछि सार्वजनिक रुपमा देखिएकी छैनन्। उनी २०२१ डिसेम्बरमा रिदमिक जिम्नास्टिक प्रतियोगितामा डान्स गरिरहेको देखिएकी थिइन्।
पेटिसनमा भनिएको छ, 'युद्धका बाबजुद पनि स्विट्जरल्यान्डले पुटिन सरकारको एक सहयोगीका साथ मेजमानी जारी राखेको छ।' युक्रेनमाथि आक्रमणका क्रममा उनलाई त्यहाँ पठाइएको पेटिसनमा उल्लेख छ।
एलिना ७ वर्ष भन्दा बढी समयदेखि रुसी सरकार समर्थित नेशनल मिडिया ग्रुपमा बोर्ड अफ डाइरेक्टर्सकी अध्यक्ष छन्। द डेलिमेलका अनुसार उनलाई हरेक वर्ष ८ मिलियन युरो तलब प्राप्त हुन्छ।
उनले सन् २००४ मा ओलम्पिकमा रिदमिल जिम्न्यास्टिकमा स्वर्णपदक प्राप्त भएको थियो। द गार्जियनलगायत कयौं मिडियाले एलिनालाई पुटिनकी गर्लफ्रेन्ड बताएका छन्। तर, पुटिनले यसबारे प्रतिक्रिया जनाएका छैनन्।
एलिना सबैभन्दा सफल जिम्न्यास्ट मानिन्छिन्। उनले आफ्नो करियरमा २ ओलम्पिक मेडल, १४ च्याम्पियनसिप र २१ युरोपियन च्याम्पियनसिप मेडल जितेकी छिन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791271370.png)
-1786602170.png)
