बलेफी हाइड्रोपावरको आईपीओ चैत १६ देखि

बैंक/बिमा/सेयर

नेपाल लाइभ मंगलबार, चैत ८, २०७८ ०८:५४

काठमाडौं– बलेफी हाइड्रोपावर कम्पनी लिमिटेडले चैत १६ गतेदेखि आईपीओ निष्कासन गर्ने भएको छ। कम्पनीले सर्वसाधारण लगानीकर्ताका लागि १८ करोड २७ लाख ९७ हजार रुपैयाँ बराबरको १८ लाख २७ हजार ९७० कित्ता साधारण शेयर निष्कासन गर्न लागेको हो।

निष्कासन गरिने कुल सेयरमध्ये ७३ हजार ११९ कित्ता सेयर कम्पनीका कर्मचारीका लागि सुरक्षित गरिएको छ भने ९१ हजार ३९८ कित्ता सेयर सामूहिक लगानी कोषलाई छुट्याइएको छ। सर्वसाधारण लगानीकर्ताले बाँकी रहेको १६ लाख ६३ हजार ४५३ कित्ता सेयरका लागि आवेदन दिन सक्नेछन्।

कम्पनीको शेयर निष्काशन तथा बिक्री प्रबन्धक ग्लोबल आइएमई क्यापिटल लिमिटेड रहेको छ। निष्कासन बन्द छिटोमा चैत २० गते हुनेछ भने ढिलोमा चैत ३० गते हुनेछ।

आईपीओमा नेपाल धितोपत्र बोर्डबाट स्वीकृतिप्राप्त गरेका सम्पूर्ण सी–आस्वा सदस्य बैंक तथा वित्तीय संस्था र तिनका शाखा कार्यालयबाट आवेदन दिन सकिनेछ। यसका साथै मेरो सेयरको वेब तथा एपबाट पनि सो आईपीओका लागि आवेदन दिन सकिनेछ।

लगानीकर्ताले न्यूनतम १० कित्तादेखि अधिकतममा १ लाख कित्ताका लागि आवेदन दिन सक्नेछन्।
आईपीओ निष्कासनका लागि गराएको रेटिङमा कम्पनीलाई इक्रा नेपालले इक्रा एनपी इस्युअर रेटिङ डबल बी रेटिङ प्रदान गरेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

टर्किएबाट ६५६ अनियमित आप्रवासी तथा ५२ मानव तस्कर पक्राउ

महिला कानून व्यवसायीहरूको राष्ट्रिय सम्मेलन विराटनगरमा

परराष्ट्रमन्त्री राणाद्वारा जालपादेवी केबलकार शिलान्यास