काठमाडौं- मोरङमा १४ वर्षीया बालिकामाथि यौन दुर्व्यवहार गरेको आरोप लागेका शिक्षकलाई पक्राउ गर्न खटिएको प्रहरी टोली र स्थानीयबीच झडप भएको छ। झडपमा एक महिला प्रहरी जवान घाइते भएकी छन्।
लेटाङ नगरपालिका- ५ स्थित शिक्षा विकास माविमा पढ्ने बालिकालाई सोही विद्यालयका शिक्षकले यौन दुर्व्यवहार गरेको भन्ने सूचनापछि प्रहरी टोली उक्त स्थानमा पुगेको थियो।
आरोपित शिक्षकलाई पक्राउ गर्न पुगेको प्रहरी टोलीमाथि आक्रोसित भीडले धारिलो हतियार प्रहार गर्दा एक महिला जवान घाइते भएको नेपाल प्रहरीका केन्द्रीय प्रवक्ता तथा एसएसपी विष्णुकुमार केसीले जानकारी दिए।
उनका अनुसार ती महिला प्रहरी जवानको घाँटीमा गम्भीर चोट लागेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
