काठमाडौं– दुई समूहको टकरावका कारण 'फुट'को संघारमा पुगेको गैरआवासीय नेपाली संघ (एनआरएनए)को विवाद साम्य हुने भएको छ।
राजनीतिक दलका नेताहरुको 'प्रयास'मा एनआरएनएका दुवै समूह (पक्ष) समस्या समाधान गर्न लचिलो भएका छन्।
१०औं महाधिबेसनका लागी दुबै पक्षले आ–आफ्नो तर्फबाट छुट्टा–छुट्टै अधिवेसन घोषणा गरेपछि एनआरएनए विभाजित हुने अवस्थामा पुगेको थियो। यसबीच राजनीतिक दलका नेताहरुले एनआरएनएका 'नेता'हरुलाई बोलाएर समस्या समाधानका लागि आग्रह गरेका थिए।
नेपाली कांग्रेसका महामन्त्री गगन थापा सहितका नेताहरुले एनआरएनएका 'वर्तमान पदाधिकारी' र पूर्व पदाधिकारीहरुलाई भेटेर समस्या समाधान गर्न आग्रह गरेका थिए।
एनआरएनएकै सदस्य र राजनीतिक दलका नेताहरुको समेत दबाबपछि दुवै पक्ष लचिलो भएका हुन्। एनआरएनएका संरक्षक शेष घलेले एकताको आह्वान गर्दै आफ्नो तर्फबाट वार्ता समिति समेत गठन गरेका छन्।
वार्ता समितिमा शनि कुमार ओली, बेद प्रसाद खरेल र दुर्गा आचार्य रहेका छन्। समितिलाई सोमबार बेलुकासम्ममा अर्को पक्षसँग छलफल गरि सहमती गराएर एकता महाधिवेसन संयुक्त रुपमा गर्न पहल गराउने जिम्मा दिइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1766648928.png)
