काठमाडौं– बाँके प्रहरीले रेडपाण्डाको छाला र चरेशसहित ६ जनालाई पक्राउ गरेको छ। नेपालगञ्जको शिक्षण अस्पताल नजिकको एक होटेलबाट दुई थान रेडपाण्डाको छालासहित चार जनालाई पक्राउ गरेको हो।
पक्राउ पर्नेमा डोल्पाका शुकराम विक, विवेक बोहोरा, रामकृष्ण शाही र हर्कबहादुर विक रहेको प्रहरीले जनाएको छ। त्यसैगरी, पुष्पलाल चोकस्थित एक होटलबाट तीन किलो चरेशसहित दुई जनालाई पक्राउ गरेको छ।
पक्राउ पर्नेमा कालीकोटका प्रविण शाही र नेपालगञ्जका राज कार्की रहेका छन्। रेडपाण्डा कारोबारीहरुलाई राष्ट्रिय निकुञ्ज तथा वन्यजन्तु संरक्षण ऐन २०२९ को दफा २६(१) बमोजिम ५ लाख देखि १० लाखसम्म जरिवाना र ५ वर्षदेखि १५ वर्षसम्म कैद सजाय हुनसक्ने जिल्ला प्रहरी कार्यालय बाँकेका प्रवक्ता तथा प्रहरी नायब उपरीक्षक मधुसुदन न्यौपानेले बताए।
यस्तै, चरेश ओसापसार गर्नेलाई लागूऔषध नियन्त्रण २०३३ को दफा १४ (घ) बमोजिम १ वर्षदेखि ३ वर्षसम्म कैद र ५ हजारदेखि २५ हजारसम्म जरीवाना हुनसक्ने डीएसपी न्यौपानेले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
