बाबुराम भट्टराई, फाइल तस्बिर/नेपाल लाइभ
काठमाडौं– जनता समाजवादी पार्टी (जसपा) नेपालका संघीय परिषद् अध्यक्ष बाबुराम भट्टराईले नेपालका कम्युनिस्ट पार्टीहरु 'एउटै पेन्सिलका फरकफरक टुक्रा' मात्रै रहेको टिप्पणी गरेका छन्। जसपाको पहिलो संघीय परिषद् बैठकमा समसामयिक राजनीति र जसपाको कार्यदिशाका विषयमा प्रतिवदेन प्रस्तुत गर्दै भट्टराईले यस्तो टिप्पणी गरेका हुन्।
उनले भनेका छन्, 'हाम्रो पार्टीको दृष्टिकोणमा नेकपाका घटकहरु आधारभूत रुपमा उस्तै हुन् । एउटै पेन्सिलका फरक–फरक टुक्रा मात्रै हुन्।'
उनले नेपालमा दर्जनौं कम्युनिस्ट रहेको बताउँदै नेकपा (एमाले), नेकपा (माओवादी केन्द्र), नेकपा (एकीकृत समाजवादी)लाई ठूला कम्युनिस्ट समूह बताएका छन्। यस्तै साना कम्युनिस्ट पार्टीमा नेमकिपा र नेकपा मसालको मोर्चा संगठन राष्ट्रिय जनमोर्चाले संसद्मा प्रतिनिधित्व गर्ने प्रतिवेदनमा उल्लेख छ।
संसद्मा नभएका नेकपाका अन्य घटकहरु बैद्य, बिप्लब, आहुति, माले आदि अनेक समूहहरु रहेको बताएका छन्। उनले थपेका छन्, 'यी सबै समूहको विचार र उत्पतिको आधार एउटै हो । यी सबै समूह रुसी अक्टोबर क्रान्ति, सोभियत प्रणाली, चिनियाँ नयाँ जनवादी क्रान्ति' र माओ त्से-तुङ विचारधारा माओवादबाट प्रभावित छन्।'
यी सबै समूह सन् १९४९ मा गठन भएको नेकपाबाट फुटेर बनेको भट्टराईले उल्लेख गरेका छन्। तात्कालिक विचार, कार्यनीति र कार्यदिशाका दृष्टिकोणले यिनीहरुबीच केही भिन्नता रहेको भट्टराईले उल्लेख गरेका छन्। सन् १९९० को दशकमा सोभियत संघको पतनपछि एमालेले 'जनताको बहुदलीय जनवाद' मार्फत् ‘संसदीय प्रणाली' को बाटो समातेको माओवादी केन्द्र एमालेसँगको एकता, नेकपा (नेकपा) को निर्माण र विभाजनपछि झण्डैझण्डै त्यही स्थितिमा पुगेको उनको विश्लेषपण छ । औपचारिक रुपमा 'जनताको बहुदलीय जनवाद' स्वीकार नगरे पनि त्यसभन्दा फरक कुनै मौलक विचारधारा माओवादी केन्द्रसँग बाँकी नरहेको उनको बुझाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
