छोटो समयमै कर्पोरेट पेले गर्‍यो ५५ अर्ब रुपैयाँको कारोबार

कर्पोरेट

नेपाल लाइभ शुक्रबार, फागुन १३, २०७८ ११:३८

काठमाडौं– कर्पोरेट पे प्रणालीले चालू आवमा ५५ अर्ब रुपैयाँको कारोबार गरेको छ। बैंक तथा वित्तीय संस्थाका साना तथा मझौला व्यावसायिक एवम् संस्थागत ग्राहकलाई सहज रुपमा डिजिटल भुक्तानी गर्न सक्ने गरी नेपाल क्लियरिङ हाउसले कर्पोरेट पे सञ्चालन गरेको हो।

अहिले उक्त प्रणालीमा ४७ बैंक तथा वित्तीय संस्थाहरुबाट २६ सय भन्दा बढी व्यवसायिक ग्राहक आबद्ध भइसकेको कम्पनीले जनाएको छ।

कर्पोरेट पेमार्फत फण्ड ट्रान्सफर, तलब भुक्तानी, भेन्डर पेमेन्ट, सरकारको राजस्व भुक्तानीलगायतका विभिन्न भुक्तानीहरु गर्न सकिन कम्पनीले जनाएको छ। पछिल्लो समयमा यस प्रणालीमा नेपाल आयल निगम, भन्सार विभागको प्रज्ञापनपत्रको भुक्तानी तथा अन्य विभिन्न सेवा सम्बन्धी भुक्तानी थप गरिएको छ।

उक्त प्रणालीमा रियल टाइममा प्रतिकारोबार २० लाख रुपैयाँसम्म र नन–रियल टाइममा प्रतिकारोबार २० करोड रुपैयाँसम्म तथा नेपाल सरकारको भुक्तानी प्रति कारोबार ३० करोड रुपैयाँसम्म गर्न सकिने क्लियरिङ हाउसले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रपतिसमक्ष महान्यायाधिवक्ताको वार्षिक प्रतिवेदन पेस

जाडोमा हात, गोडा, औंला किन सुन्निन्छ? कसरी जोगाउने?

सहकारी ठगी प्रकरण: न्यायाधीश अधिकारीको इजलासमा रवि लामिछानेसहित ३९ जनासँग बयान सुरू