एनएमबि बैंकको नौलो बचत योजना सार्वजनिक, यस्ता छन् फाइदा

कर्पोरेट

नेपाल लाइभ बुधबार, फागुन ११, २०७८ १३:५६

काठमाडौं– एनएमबि बैंक लिमिटेडले नौलो बचत योजना सार्वजनिक गरेको छ। बैंकले युवाहरुलाई डिजिटाइजेसन, बचत र लगानीतर्फ प्रोत्साहित गर्न नयाँ बचत खाता 'एनएमबि यु–वाह ! डिजि सेभिङस्' ल्याएको हो।

१८ देखि ४० वर्ष उमेर समूहका सबै नेपाली नागरिकले यो खाता खोल्न सक्नेछन्। एनएमबि बैंकले यो खाताअन्तर्गत शून्य मौज्दातमै उच्च ब्याजदर प्रदान गर्नुका साथै मेरो सेयर, डिम्याट र आस्वा निःशुल्क उपलब्ध गराउने जनाएको छ।

त्यसैगरी, यस योजनाअन्तर्गत बैंकले एनएमबि ओम्नी च्यानल बैंकिङ, एनएमबि क्रेडिट कार्ड र एनएमबि डलर कार्ड (साथै डलर टप–अप) मा निःशुल्क सुविधासहित डिजिटल कारोबारमा निःशुल्क अन्तरबैंक फन्ड ट्रान्सफर (एबीबीएस) र वार्षिक १ हजार २०० सम्मको क्यासब्याक योजनाजस्ता आकर्षक लाभहरु पनि उपलब्ध गराउनेछ।

यसका अतिरिक्त बैंकले उच्च शिक्षामा जान चाहने विद्यार्थीलाई शैक्षिक ऋणको प्रशासनिक शुल्कमा २५ प्रतिशत छुट पनि उपलब्ध गराउने जनाएको छ।

एनएमबि बैंकले हाल देशभरि २०१ शाखा, १३९ एटीएम र ९ एक्सटेन्सन काउन्टरमार्फत उच्चस्तरीय सेवा प्रदान गर्दै आइरहेको जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

राष्ट्रपतिसमक्ष महान्यायाधिवक्ताको वार्षिक प्रतिवेदन पेस

जाडोमा हात, गोडा, औंला किन सुन्निन्छ? कसरी जोगाउने?

सहकारी ठगी प्रकरण: न्यायाधीश अधिकारीको इजलासमा रवि लामिछानेसहित ३९ जनासँग बयान सुरू