काठमाडौं- ब्रिटेनकी महारानी एलिजाबेथ द्वितियालाई कोरोना संक्रमण भएको छ। बकिङघम राजदरवारले उनलाई कोरोना संक्रमण भएको जानकारी दिएको हो।
गत साता संक्रमण पुष्टि भएका उनका जेठा छोरा प्रिन्स अफ वेल्ससँग उनको भेट भएको थियो।महारानीको निवास रहेको विन्डसर क्यासलमा धेरै जनालाई संक्रमण भएको बुझिएको छ।
राजदरवारले महारानीलाई सामान्य चिसो लागेजस्तो लक्षण देखिएको जनाएको छ। तर, उनले धेरै परिश्रम नपर्ने जिम्मेवारीहरू पालना गर्न आगामी साता पनि जारी राख्ने जनाइएको छ।
‘उनी निरन्तर स्वास्थ्य निगरानीमा रहनेछिन् र आवश्यक स्वास्थ्य मापदण्डको पालना गर्नेछिन्,’ दरवारले वक्तव्यमा भनेको छ। ९५ वर्षीय महारानीले यसै महिना आफ्नो शासनको ७० वर्ष पूरा गरेकी हुन।
बेलायतमा सबैभन्दा लामो शासन गरेकी महारानीको गत फेब्रुअरी ६ मा शासनको ७० वर्षे उत्सव मनाइएको थियो। त्यसको पूर्व सन्ध्यामा उनी तीन महिनापछि सार्वजनिक भेटघाटमा सामेल भएकी थिइन्।
महारानीले गत वर्षको जनावरीमा कोरोनाविरुद्धको पहिलो खोप लगाएकी थिइन् र त्यसपछिका मात्राहरू पनि लगाइको बताइन्छ।
बीबीसीका राजपरिवार मामिला संवाददाताका अनुसार गत अक्टोबरमा स्वास्थ्य परीक्षण गरेकी थिइन्। राजदरबारमा यसअघि प्रिन्स चार्ल्स र त्यसपछि उनकी श्रीमतीलाई कोभिड संक्रमण भएको थियो। ब्रिटिश राजपरिवारको स्वास्थ्य हेरचाह निजी चिकित्सकले गर्दै आएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
