ब्राजिलमा वर्षा र बाढीका कारण १०४ जनाको मृत्यु

विश्व

नेपाल लाइभ शुक्रबार, फागुन ६, २०७८ ०८:३१

ब्राजिल– ब्राजिलको पेट्रोपोलिस सहरमा भएको मुसलधारे वर्षा र बाढीका कारण बिहीबार साँझसम्म मृत्यु हुनेको संख्या १०४ पुगेको छ।

विपद्बाट हुने जनधनको संख्या बढ्दै गएको उद्धारमा खटिएका अधिकारीहरूले बताएका हुन्। अग्नि नियन्त्रक तथा उद्धारकर्मीहरूले २४ व्यक्तिलाई सकुशल उद्धार गरेका स्थानीय नगर प्रमुखको कार्यालयले बताएको छ ।

रियो दे जेनेरियोको उत्तरमा रहेको डाँडामा पर्ने मनोरम सहरको नगरप्रमुखको कार्यालयले दिएको जानकारी अनुसार मंगलबार सहरमा तीन घण्टामा २५८ मिलिमिटर पानी परेको थियो। यो अघिल्लो महिनाको सबै वर्षा बराबर हो।

बाढी तथा डुबानका कारण प्रभावित सयौं व्यक्तिलाई प्रायःजसो विद्यालयहरूमा आश्रय दिइएको कार्यालयले जनाएको छ। प्रशान्त महासागरको चक्रीय शीतलन ‘ला नीना’ र जलवायु परिवर्तनको प्रभावले वर्षाऋतुमा पानीको वर्षा बढाइरहेको विशेषज्ञहरूले बताएका छन्। उनीहरूले पेट्रोपोलिसको यो भयावह पनि यसै कारण भएको बताए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

कोशी मुख्यमन्त्रीको कार्यकक्षमा मोबाइल लैजान प्रतिबन्ध

रवीन्द्र मिश्रलाई थप पाँच दिन हिरासतमा राख्न अनुमति

राप्रपा रुपन्देही उपाध्यक्षसहित तीन नेताले दिए राजीनामा