कोभिड खोपबारे झुट बोलेको भन्दै एमालेले माग्यो स्वास्थ्यमन्त्री खतिवडाको राजीनामा

कोरोना अपडेट

नेपाल लाइभ मंगलबार, फागुन ३, २०७८ १६:१८

स्वास्थ्य तथा जनसंख्या मन्त्री खतिवडा

काठमाडौं– कोभिड खोपको विषयमा झुट बोलेको भन्दै प्रमुख प्रतिपक्षी दल नेकपा एमालेले स्वास्थ्य तथा जनसंख्या मन्त्री विरोध खतिवडाको राजीनामा मागेको छ।

एमालेको स्वास्थ्य तथा जनसंख्या विभागका प्रमुख योगेश भट्टराईले मंगलबार एक विज्ञप्ति जारी गर्दै आफ्नो पार्टीका अध्यक्ष केपी शर्मा ओली नेतृत्वको सरकारलाई बद्नाम गर्न स्वास्थ्यमन्त्री खतिवडाले कोभिड खोपको विषयमा झुट बोलेको उल्लेख गरेका छन्।

मन्त्री खतिवडाले एउटा टेलिभिजन कार्यक्रममा तत्कालीन प्रधानमन्त्री ओली नेतृत्वको सरकारका बेलामा आफू स्वयम्‌ले कोभिडविरुद्धको पहिलो खोप पाँच हजार रुपियाँमा ‘किनेर लगाएको’ भनी दिएको अभिव्यक्तिप्रति गम्भीर ध्यानाकर्षण भएको भट्टराईद्वारा जारी विज्ञप्तिमा उल्लेख छ।

‘खोप किनेर लगाएको’ भन्ने स्वास्थ्यमन्त्री खतिवडाको उक्त भनाइ सरासर झुटो र अफवाहपूर्ण रहेको विज्ञप्तिमा दाबी गरिएको छ।

मन्त्री खतिवडाले तत्कालीन अवस्थामा निजामति कर्मचारी (सिभिल) अस्पताल, बानेश्वरमा पहिलो मात्रा खोप २०७७ फागुन १९ गते लगाएको अभिलेख सुरक्षित रहेको पनि भट्टराईले विज्ञप्तिमा उल्लेख गरेका छन्।

'स्वास्थ्यमन्त्री खतिवडाले पूर्ववर्ती सरकारलाई बद्नाम गर्नकै लागि आम जनसमुदायलाई गलत सूचना दिइ कोभिडजस्तो संवेदनशील विषयमा अफवाह सिर्जना गर्नुभएको छ। लक्षित वर्गले निःशुल्क खोप प्राप्त गर्ने खोप ऐन, २०७२ र खोप नियमावली, २०७४ को सामान्य ख्यालसमेत नगरी स्वास्थ्य मन्त्रालयको जिम्मेवारी सम्हालेका मन्त्रीबाट यस्तो गैरजिम्मेवार अभिव्यक्ति आउनु निन्दनीय र आपत्तिजनक छ,' भट्टराईद्वारा जारी विज्ञप्तिमा भनिएको छ।

झुट बोल्ने व्यक्ति नैतिक रुपमा मन्त्री पदमा बसिरहन अनुचित हुने भएकाले खतिवडाले तत्काल राजीनामा दिनुपर्ने विज्ञप्तिमा माग गरिएको छ।

'झुट बोल्ने व्यक्ति नैतिक रुपमा मन्त्री पदमा बसिरहन अनुचित हुने भएकाले तत्काल राजीनामा गर्न हाम्रो पार्टी माग गर्दछ। साथै, आफ्ना मन्त्रीको यस्तो गैरजिम्मेवार अभिव्यक्ति र व्यवहारप्रति संवेदनशील हुँदै उहाँलाई मन्त्री पदबाट बर्खास्त गर्न प्रधानमन्त्रीको गम्भीर ध्यानाकर्षण गराउँछौँ,' विज्ञप्तिमा भनिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पूर्वराजालाई विश्वप्रकाशको चुनौती : चुनावबाट मत जितेर चाहेजस्तो व्यवस्था ल्याउनुहोस्

सेतो मछिन्द्रनाथको रथ जात्रा सुरु

आईपीएल : चेन्नईलाई २५ रनले हराउँदै दिल्लीको लगातार तेस्रो जित