साताको अन्तिम कारोबार दिन पनि ओरालो लाग्यो सेयर बजार

बैंक/बिमा/सेयर

नेपाल लाइभ बिहीबार, माघ २७, २०७८ १५:३३

काठमाडौं– साप्ताहिक करोबारको अन्तिम दिन आज (बिहीबार) पनि सेयर बजार ओरालो लागेको छ। आज सेयर बजार परिसूचक नेप्से ११.९६ अंकले घटेर २८०१.५६ बिन्दुमा झरेको छ। साताको चौथो कारोबार दिन बुधबार पनि नेप्से २२.५४ अंकले घटेर २८२३.४७ बिन्दुमा झरेको थियो।

आज समग्र नेप्से ०.४३ प्रतिशतले ओरालो लागेको छ। नेपाल स्टक एक्सचेन्ज (नेप्से)का अनुसार आज ३ अर्ब ८२ करोड ९५ लाख ३३ हजार रुपैयाँ बराबरको कारोबार भएको छ। बुधबार ३ अर्ब ४७ करोड ११ लाख रुपैयाँ बराबरको मात्र कारोबार भएको थियो।

आज कूल २२७ वटा कम्पनीको ६९ लाख ५० हजार ८ सय ३८ कित्ता सेयर खरीद बिक्री भएका छन्।

एक्सचेन्जका अनुसार कारोबार भएका कूल १३ उपसमूहमध्ये आज ३ उपसमूहको सेयर बढेको छ भने बाकी उपसमूह घटेको छ।
आज सबैभन्दा धेरै जलविद्युत कम्पनी समूह घटेको छ। कारोबार भएका म्युचुअल फण्ड, अन्य र ब्यापार उपसमूहको सेयर बढेको हो।

बिहीबार नेपाल टेलिकमको सर्वाधिक कारोबार भएको छ । आज टेलिकमको २५ करोड ४८ लाख ३९ हजार ५ सय ६४ रूपैयाँको कारोबार भएको हो। आज सर्वाधिक इकाइमूल्य बढ्ने कम्पनीहरुको पहिलो नम्बरमा नबिल इक्वीटी फण्ड रहेको छ। फण्डको इकाइमूल्य आज २.७६ प्रतिशतले बढेर ११ रूपैयाँ १५ पैसामा अन्तिम कारोबार भएको छ।

यस दिन मिथिला लघुवित्त वित्तीय संस्था लिमिटेडका लगानीकर्ताहरूले सबैभन्दा धेरै गुमाएका छन्। आज संस्थाको सेयरमूल्य ४ प्रतिशतले घटेर १ हजार ६ सय ५६ रुपैयाँमा अन्तिम कारोबार भएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

भारी हिमपातले बेलायत र जर्मनीभर व्यापक अवरोध

लोकप्रिय मत ल्याउने पार्टीबाट पाँच वर्षसम्म प्रधानमन्त्री बन्ने गरी संविधान संशोधन आवश्यकः महामन्त्री शर्मा

लोसपाद्वारा विभिन्न पार्टीसँग संवादका लागि समिति गठन