काठमाडौं– नेपालमा थप १ हजार ९५७ जनामा कोरोना भाइरसको संक्रमण पुष्टि भएको छ।
गत २४ घण्टामा एन्टिजेन र पीसीआर विधिबाट १२ हजार ६९२ नमूनाको परीक्षण गर्दा १ हजार ९५७ जनामा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ।
मन्त्रालयले मंगलबार सार्वजनिक गरेको नतिजामा एसएमएस र इमेलबाट प्राप्त आरडीटी एन्टिजेनको विवरण समेत समावेश गरिएको जनाएको छ।
२४ घण्टामा आरटी–पीसीआर विधिबाट ८ हजार ५८७ र एन्टिजेन विधिबाट ४ हजार १०५ नमूनाको परीक्षण गरिएको मन्त्रालयले जानकारी दिएको छ।
पीसीआर परीक्षणबाट १ हजार १८४ जना र एन्टिजेन परीक्षणबाट ७७३ जनामा संक्रमण पुष्टि भएको हो।
मन्त्रालयका अनुसार पछिल्लो २४ घण्टामा देशभरका विभिन्न ठाउँमा गरी ११ जना कोरोना संक्रमित भएको छ। हालसम्म कोरोना संक्रमणबाट मृत्यु हुनेको संख्या ११ हजार ८३८ पुगेको छ।
पछिल्लो २४ घण्टामा ५ हजार १०३ जना कोरोना संक्रमणबाट मुक्त भएका मन्त्रालयले जानकारी दिएको छ। मन्त्रालयका अनुसार हाल देशभर ३६ हजार १८१ जना सक्रिय संक्रमित छन्।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।