विराटनगर- प्रदेश १ मा पछिल्लो २४ घण्टामा ३३७ मा कोरोना संक्रमण भएको छ। सामाजिक विकास मन्त्रालयका अनुसार ७२४को पीसीआर परीक्षण गर्दा २२१ र ४९४ को एन्टिजेन परीक्षण गर्दा ११६ जनामा संक्रमण पुष्टि भएको छ।
मन्त्रालयका अनुसार पीसीआर परीक्षणका आधारमा मोरङमा ११०, सुनसरीमा ४९, झापामा ३१, उदयपुरमा सात, धनकुटामा दुई, सङ्खुवासभा, पाँचथर, भोजपुर र खोटाङमा एक/एक र प्रदेश बाहिरका १८ मा संक्रमण देखिएको हो।
मोरङको विराटनगरमा ७५, सुन्दरहरैचामा आठ, बुढीगङ्गामा पाँच, उर्लाबारीमा चार, पथरीशनिश्चरे, बेलबारी र रतुवामाईमा तीन/तीन, लेटाङ, कानेपोखरी र स्थानीय तह नखुलेका दुई/दई, मिक्लाजुङ, सुनबर्षी र केराबारीमा एक/एक, सुनसरीको इटहरीमा १६, धरानमा १२, रामधुनीमा चार, इनरुवा, बराहक्षेत्र, बर्जु र दुहवीमा तीन/तीन, हरिनगर, गढी र देवानगञ्जमा एक/एक र स्थानीय तह नखुलेका दुई/दुई जनामा संक्रमण देखिएको छ।
मन्त्रालयका अनुसार झापाको भद्रपुरमा पाँच, अर्जुनधारामा चार, बाहृदशी, विर्तामोड, दमक, मेचीनगर र कमल गाउँपालिकामा तीन/तीन, शिवसताक्षी र कनकाईमा दुई/दई, कचनकवल, गौरादह र झापा गाउँपालिकामा एक/एक, उदयपुरको चौदण्डीगढीमा दुई, कटारी, त्रियुगा, उदयपुरगढी, बेलका र स्थानीय तह नखुलेका एक/एक, धनकुटाको धनकुटा नगरपालिका र महालक्ष्मीमा दुई/दुई, संखुवासभाको खाँदबारी, पाँचथरको फिदिम, भोजपुरको हतुवागढी र खोटाङको दिप्रुङमा एक/एक र प्रदेश बाहिरका १८ जनामा संक्रमण देखिएको छ।
प्रदेशमा आज ३७३ महिलासहित ८४६ कोरोना सङ्क्रणबाट मुक्त भएका छन्। यस प्रदेशमा पछिल्लो २४ घण्टामा कोरोना संक्रमणबाट एक महिलासहित तीन जनाको मृत्यु भएको छ। प्रदेशमा सक्रिय संक्रमितको सङ्ख्या चार हजार ७७ रहेको मन्त्रालयले जनाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
