सुर्खेत- कर्णाली प्रदेश अस्पतालमा मेरुदण्डको सफल शल्यक्रिया भएको छ। वीरेन्द्रनगरमा रहेको प्रदेश अस्पतालमा पछिल्लो एक महिनाको अवधिमा मेरुदण्डका १० जना बिरामीको सफल शल्यक्रिया गरिएको छ।प्रदेश अस्पतालका अन्तरगतको हाडजोर्नी विभागले पछिल्लो एक महिनामा अस्पतालमा भर्ना भएका १५ विरामीहरुमध्ये १० जना सफल सल्यक्रिया भएको अस्पतालका प्रवक्ता डा. विकास केसीले जानकारी दिए।
दैलेख, कालिकोट र सुर्खेत जिल्लाको पश्चिम क्षेत्रबाट अप्रेशनका लागि अस्पतालमा भर्ना भएका विरामीहरुको उपचार गरिएको थियो। हाडजोर्नी विभागका डा. विकास केसी, डा. पदम गिरी, डा. किशोर विष्ट, डा. प्रकाश श्रेष्ठ, डा. तेजेन्द्र साउद, डा. भगवत सिंह धमाला र डा. रविन केसीको टोलीले हाडजोर्नीको समस्याबाट पीडित विरामीहरुको सफल अप्रेशन गरेको हो।
भौगोलिक भू–वनावटका कारण घाँस दाउरा लिन गएकाहरुमा बढी यो समस्याबाट पीडित भएको र अप्रेशन सुर्खेतमै सफल भएपछि बाहिर जानुपर्ने बाध्यताको अन्त्य भएको प्रवक्ता केसीले जानकारी बताए। उनले अस्पतालको ओपिडीमा आउने बिरामीहरुमध्ये दैनिक १२० जना हाडजोर्नी सम्बन्धी समस्या रहेका बिरामीहरु रहेको बताए।
मेरुदण्डसम्वन्धी समस्या भएका विरामीहरुलाई सुर्खेतमै सफल अप्रेशन गरेपछि अस्पतालप्रतिको भरोसा समेत बढेको उनले बताए। केसीका अनुसार हाडजोर्नी र टाउको सम्बन्धी अप्रेशन गर्दा सरकारले उपलव्ध गराउने एक लाखसम्मको सहुलियत प्रदान गर्न विभागसँग अनुरोध गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1787821306.jpg)
-1786513116.png)
