काठमाडौं- संयुक्त विद्यार्थी संगठनले काठमाडौं विश्वविद्यालयविरुद्ध घोषणा गरेको आन्दोलनका कार्यक्रम स्थगित गरेको छ।
विश्वविद्यालयसँग सोमबार भएको सहमतिपछि आन्दोलनका कार्यक्रम हाललाई स्थगित गरिएको आज विज्ञप्तिमार्फत् जानकारी दिइएको छ।
'आन्दोलनरत संयुक्त विद्यार्थी संगठन र काठमाडौं विश्वविद्यालय प्रशासनवीच पुस १० गते भएको सहमतिअनुरुप काठमाडौं विश्वविद्यालय डिनको कार्यालय र रजिष्ट्रार कार्यालयबाट अतिरिक्त शुल्क ‘सम्बन्धित विद्यार्थी’ कै नाममा फिर्ता गर्ने, छात्रावासलाई स्वेच्छिक गर्ने तथा होस्टल शुल्क र अतिरिक्त शुल्क नबुझाएबापत पठनपाठन लगायत सुविधाबाट वञ्चित रहँदै आएका विद्यार्थीहरुलाई निःशर्त कक्षामा सामेल गराउने निर्णय भएको सन्दर्भमा संयुक्त विद्यार्थी संगठनको तर्फबाट घोषणा गरिएका आन्दोलनका कार्यक्रम हाललाई स्थगित गरिएको सम्बन्धित सबैमा जानकारी गराउँदछौं,' विद्यार्थी संगठनहरुद्वारा जारी संयुक्त प्रेस वक्तव्यमा उल्लेख छ।
भएका निर्णय र सहमति कार्यान्वयन नभएको अवस्थामा पुनः सशक्त आन्दोलन अगाडि बढाउने जानकारीसमेत दिइएको छ।
साथै, आन्दोलनका क्रममा गिरफ्तार विद्यार्थी नेताहरुको तत्काल रिहाइको माग गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
