काठमाडौं– कोटेश्वरबाट पठाओ चालक अपहरणमा परेका छन्। अपहरण गरेको आरोपमा महानरीय प्रहरी परिसर ललितपुरले दुई जनालाई पक्राउ गरेको छ।
ललितपुरका एसएसपी यज्ञविनोद पोखरेलका अनुसार पक्राउ पर्नेमा सिन्धुलीको मियाखर घर भएका २१ वर्षीय सुमन तामाङ र खोटाङको हलेसी नगरपालिका–३ घर भएका २६ वर्षीय मिनराज राई छन्।
उनीहरुले गत शुक्रबार राति ११ बजेतिर काठमाडौं बस्दै आएका पठाओ चालक २५ वर्षीय प्रवीण राईलाई अपहरण गरेको प्रहरीले जानकारी दिएको छ।
प्रदेश २–०१–००१ प ११३६ नम्बरको मोटरसाइकलका पठाओ चालक प्रवीणलाई कोटेश्वरबाट धापाखेल जान भनेका थिए। तर, प्रवीणले मानेका थिएनन्। त्यसपछि उनलाई अपहरण गरी धापाखेलस्थित आँखीदह पुर्याएको प्रहरीले जनाएको छ।
आँखीदहमा प्रवीणलाई हातखुट्टा बाँधी मुखमा टेप लगाएर कुटपिट गरी लुटपाट समेत गरेको एसएसपी पोखरेलले बताए। त्ययसपछि उनको मोटरसाइकल समेत झाडीमा फालेर उनीहरु फरार भएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
