समाचार

माटोमा च्यापिएर इँटा उद्योगको मजदूरको मृत्यु

रासस आइतबार, माघ ९, २०७८ ०९:१३

दकम– झापाको कचनकवल गाउँपालिका–५ स्थित स्टार इँटा उद्योगमा एक भारतीय महिला मजदूरको मृत्यु भएको छ। इँटाभट्टाको चिम्नी लिप्ने क्रममा शनिबार दिउँसो इँटा र माटोले च्यापिएर पश्चित बङ्गालकी ३५ वर्षीया अमिना खातुनको मृत्यु भएको जिल्ला प्रहरी कार्यालय झापाले जनाएको छ।

इँटा र माटोले च्यापिएर गम्भीर घाइते भएकी खातुनलाई मेची प्रादेशिक अस्पताल भद्रपुर लगिएको थियो । उनको उपचारकै मृत्यु भएको प्रवक्ता प्रहरी नायब उपरीक्षक वसन्त पाठकले जानकारी दिए।