काठमाडौं– हाल देशमा पश्चिमी न्यून चापीय प्रणालीको प्रभाव रहेको जल तथा मौसम विज्ञान विभागअन्तर्गतको मौसम पूर्वानुमान महाशाखाले जनाएको छ।
उक्त प्रणालीका कारण हाल सुदुरपश्चिम, कर्णाली र मधेसका प्रदेशका भू–भागमा सामान्य देखि पूर्णतया बदली ररहेको महाशाखाले जनाएको छ। बाँकी प्रदेशका भू–भागमा सामान्य बदली रही सुदुरपश्चिम, कर्णाली र मधेश प्रदेशका एक–दुई स्थानमा हल्का वर्षा भइरहेको महाशाखाको भनाइ छ।
आज (आइतबार) दिउँसो देशभर सामान्यदेखि पूर्ण बदली रहने महाशाखाले जनाएको छ। लुम्बिनी, कर्णाली र सुदुरपश्चिम प्रदेशका केही स्थानमा मेघ गर्जनसहित वर्षाको सम्भावनासमेत रहेको छ। अन्यत्र पनि केही स्थानमा हल्का वर्षाको सम्भावना रहेको छ।
कर्णाली र सुदुरपश्चिम प्रदेशका उच्च पहाडी तथा हिमाली भू–भागका धेरै स्थानमा साथै गण्डकी, बागमती र प्रदेश १ का उच्च पहाडी तथा हिमाली भू–भागका केही स्थानमा हल्कादेखि मध्यम हिमपातको सम्भावना रहेको समेत महाशाखाको भनाइ छ।
आज राति देशभर सामान्यदेखि पूर्ण बदली रहनेछ। सुदुरपश्चिम, कर्णाली र लुम्बिनी प्रदेशका केही स्थानमा मेघगर्जनसहित वर्षाको सम्भावना रहेको महाशाखाले जनाएको छ। बाँकी प्रदेशका पनि केही स्थानहरुमा हल्का वर्षाको सम्भावना रहेको महाशाखाको भनाइ छ।
देशका उच्च पहाडी तथा हिमाली भू–भागका केही स्थानमा हल्कादेखि मध्यम हिमपातको सम्भावना छ। मौसम पूर्वानुमान महाशाखाका मौसमविद् सजिना शाक्यका अनुसार आगामी सोमबारसम्म बदली, वर्षा र हिमपातको आकलन गरिएको छ । ‘तराईमा बिहान बदली हुने, तर दिउँसो केही क्षण घाम लाग्ने हुन सक्छ, काठमाडौंमा धेरै घाम लाग्ने देखिँदैन,’ उनले भनिन्, ‘धेरै ठाउँमा फाट्टफुट्टदेखि हल्का वर्षा हुनेछ ।’
देशभर आंशिकदेखि सामान्य बदली हुने सम्भावना रहेकाले देशभर चिसो बढ्ने महाशाखाको भनाइ छ। चिसोबाट बच्न आवश्यक सुरक्षा एवं सतर्कता अपनाउनसमेत महाशाखाले अनुरोध गरेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788068557.jpg)
-1786602170.png)
-1786513116.png)
