राँझा– नेपाल–भारतको सीमावर्ती क्षेत्रमा हुने अवैध कार्य रोक्न बाँके प्रहरीले सक्रियता देखाएको छ। पछिल्लो ६ महिनामा बाँके प्रहरीले भन्सार चोरी पैठारी रोकथाममा सक्रियता देखाइ ४ करोड ३६ लाख २६ हजार रुपैयाँ भन्दाबढी राजस्व संकलन गर्न सफल भएको जिल्ला प्रहरी कार्यालयका प्रहरी उपरीक्षक श्यामकृष्ण अधिकारीले जानकारी दिए।
प्रहरीले यो अवधिमा भन्सार चोरी पैठारीमा २७, भारतबाट अवैधरुपमा ल्याइएका बोइलर कुखुरा, चल्ला, मासु र माछामा सात जनालाई पक्राउ गरी कारबाही गरेको उनले जानकारी दिए। भन्सार चोरी पैठारीबाहेक अन्य अवैध कारोबार रोकथाम गर्न पनि प्रहरीले सक्रियता बढाउँदै गएको छ।
प्रहरीले सुन तस्करीमा दुई जना, जुवातासमा ६१ जना, ट्राफिक नियम उल्लङ्घनमा २० हजार ५३५ सवारी साधन र सवारी साधन चोरीमा १७ जनालाई पक्राउ गरेको प्रहरी उपरीक्षक अधिकारीले बताए।
बाँके प्रहरीले पछिल्लो छ महिनामा भन्सार चोरी पैठारीबाट ४ करोड ३६ लाख २६ हजार ६०८, सुन तस्कर कारबाहीबाट ३ करोड १३ लाख ९७ हजार ६७५, ट्राफिक कारबाहीबाट १ करोड १२ लाख ३४ हजार ५०० र नदीजन्य पदार्थ उत्खननबाट ३ लाख ३० हजार गरी राजस्व संकलन भएको प्रहरी नायब उपरीक्षक मधुसुदन न्यौपानेले जानकारी दिए।
जुवातास कारबाहीबाट रु नौ लाख ५१ हजार ६१०, काठ तस्कर कारबाहीबाट रु छ लाख ५३ हजार ९००, क्वारेन्टिन नगराइएका कुखुरा तथा माछा मासुबाट रु २० लाख र फरार अभियुक्तबाट असुल जरिवाना रु ३७ लाख ९९ हजार ५१४ गरी रु नौ करोड ३९ लाख ९३ हजार ८०७ असुली भएको उनको भनाइ छ। प्रहरीले गत वर्ष सोही अवधिमा २ करोड ७५ लाख ३४ हजार ७३८ राजस्व संकलन गरेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1773643707.png)
