काठमाडौं- एन्डी मरे अस्ट्रेलियन ओपनको दोस्रो चरणबाटै बाहिरिएका छन्।
पाँच पटक प्रतियोगिताको फाइनलमा पुगेर पनि उपाधि जित्नबाट वञ्चित रहेका मरे छनोटबाट आएका टारो ड्यानियलसँग ६–४ ६–४ ६–४ को सोझो सेटमा पराजित हुँदै सुरुआती चरणबाटै बाहिरिएका हुन्।
पहिलो चरणमा विश्व बरियताको २१औं स्थानका निकोलोज बसिलासभिविरुद्ध ६–१ ३–६ ६–४ ७–६ (७–५) ६–४ को नतिजामा पराजित गर्दै दोस्रो चरणमा पुगेका मरे २०१७ यता चौथो चरण पार गर्न सकेका छैनन्।
उनलाई पराजित गर्दै तेस्रो चरणमा पुगेका ड्यानियलका लागि ग्रान्डस्लाममा यो सबैभन्दा ठूलो उपलब्धी हो। सन् २०१४ यता ग्रान्डस्लाम खेल्दै आएका उनी तेस्रो चरणसम्म पुगको छैनन्।
यस्तै, विश्व वरियताको चौथो स्थानका स्टेफानोस सित्सिपस तेस्रो चरणमा पुगेका छन्। मेलर्बन पार्कमा बिहीबार भएको दोस्रो चरणको खेलमा सित्सिपसले वरियताको ८८औं स्थानका सेबास्टियन बेजलाई ७–६ (७–१) ६–७ (५–७) ६–३ ६–४ को प्रतिस्पर्धात्मक सेटमा हराए।
२०१८ यता अस्ट्रेलियन खेल्दै आएका सित्सिपसले गत वर्ष सेमिफाइनलसम्मको यात्रा तय गरेका थिए। विश्व वरियताको छैटौं स्थानका एन्ड्रे रूभ्लेभले तेस्रो चरणमा आफ्नो पक्का गरेका छन्। दोस्रो चरणको खेलमा रूभ्लेभले वरियताको ९३औं स्थानका रिचार्डस बेराकिसलाई ६–४ ६–२ ६–० मा हराए।
रूभ्लेभ गत वर्ष अस्ट्रेलियन ओपनको क्वार्टरफाइनलबाट बाहिरिएका थिए। बेराकिस भने दोस्रो चरणबाटै बाहिरिनु परेको थियो। यता, विश्व वरियताको ३४औं स्थानका फ्रेन्चेस टियाफोलाई ६–४ ६–३ ७–६ (७–५) को सेटमा हराउँदै २२औं स्थानका टेलर फ्रिट्ज तेस्रो चरणमा प्रवेश गरेका छन्।
गत वर्ष तेस्रो चरणबाट बाहिरिएका फ्रिट्जले २०१६ यता अस्ट्रेलियन अोपन खेलिरहेका छन्। टियाफोले २०१७ मा अस्ट्रेलियन ओपनमा डेब्यू गरेका थिए। २०१९ मा क्वार्टरफाइनल पुगे यता टियाफो २०२० मा पहिलो चरण र २०२१ मा दोस्रो चरणबाटै बाहिरिएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1768546075.png)
-1768545809.png)
-1768545628.gif)
-1764146706.png)
-1768395492.png)
