काठमाडौं– प्रहरीको केन्द्रीय अनुसन्धान ब्यूरो (सीआईबी)ले ठगी आरोपमा सुन्धाराबाट एक युवालाई पक्राउ गरेको छ। पक्राउ पर्नेमा दाङको घोराही उपमहानगरपालिका–१५ घर भएका ४१ वर्षीय विकास पुन छन्।
जिल्ला प्रहरी कार्यालय दाङमा ठगी कसूरमा उनीविरुद्ध उजुरी दर्ता भएको छ। त्यसयता उनी फरार हुँदै आएका थिए। उनलाई सोमबार सीआईबीको टोलीले सुन्धारास्थित होटल भ्यू ग्लोबलबाट पक्राउ गरेको हो।
पुनले प्रयोग गर्दै आएको प्रदेश ३–०१–०२२ च ०११८ नम्बरको हुण्डाइको क्रेटा कार पनि नियन्त्रणमा लिइएको प्रहरीले जनाएको छ।
२०६४ फागुन १३ गते दाङको पुरानो राप्ती नजिकै किशोर केसी र प्रवीण केसीलाई पुन समेतका व्यक्तिहरुले खुकुरी लगायतका हातहतियार प्रयोग गरी कुटपिट गरेका थिए। उक्त कसूरमा दाङ जिल्ला अदालतबाट उनी धरौटी राखी छुटेका थिए।
२०६५ कात्तिक ५ गते दाङस्थित भ्याली होटलमा पुन समेतका व्यक्तिहरुले हातहतियार देखाइ डाँका, चोरी गरेको कसूरमा संलग्न रही फरार रहेको प्रहरीले जनाएको छ।
२०६९ माघ ७ गते यामबहादुर थापालाई कुटपिट गरी घाइते भएको घटनामा संलग्न रही ज्यान मार्ने उद्योग कसूरमा पुन फरार रहेका व्यिक्त रहेको प्रहरीले जनाएको छ।
२०७० चैत १२ गते दाङको रोल्पा इरिवाड–५ बस्ने पदम चन्दलाई गोली प्रहार गरी गम्भीर घाइते बनाएको घटनामा पनि उनी संलग्न रहेका प्रहरी बताउँछ। उक्त घटनमा उनीविरुद्ध हातहतियार तथा खरखजानामा मुद्दा चलेकामा उनी फरार हुँदै आएका थिए।
२०७३ मंसिर ६ गते घोराही– ११ स्थित लोकबहादुर केसीलाई धारिलो हतियार प्रहार गरी घाइते बनाएको घटनामा संलग्न रही ज्यान मार्ने उद्योग कसूरमा समेत उनी फरार रहेको खुलेको प्रहरीले बताएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
