सरकारका प्रवक्ता कार्की, फाइल तस्बिर
काठमाडौं– सरकारले कोरोना भाइरस (कोभिड १९) संक्रमण नियन्त्रण तथा न्यूनीकरणका लागि नयाँ आदेश जारी गर्ने भएको छ।
सरकारका प्रवक्ता एवम् सञ्चार तथा सूचना प्रविधिमन्त्री ज्ञानेन्द्र बहादुर कार्कीले कोभिड १९ संक्रमण नियन्त्रण तथा न्यूनीकरणका लागि नयाँ आदेश जारी गर्ने निर्णय भएको जानकारी दिए।
आइतबार मन्त्रिपरिषद्का निर्णय सार्वजनिक गर्दै मन्त्री कार्कीले नयाँ भेरियन्ट ओमिक्रोन सहितको कोभिड १९ महामारीको तेस्रो लहर रोकथाम तथा नियन्त्रण सम्बन्धी आदेश, २०७८ जारी गर्ने निर्णय भएको जानकारी दिए।
मन्त्री कार्कीले कोरोना भाइरसको बढ्दो संक्रमणलाई मध्यनजर गर्दै मानिसहरुको भिड नियन्त्रणका लागि माघ १५ गते सम्मलाई मनोरञ्जन क्षेत्र (सिनेमा हल), रात्रिकालीन व्यवसाय, जिम हल र फुटसल बन्द गर्ने निर्णय भएको जानकारी दिए।
यस्ता छन् मन्त्रिपरिषद्का निर्णय:
नेपाल सरकार, प्रदेश र स्थानीय तहबीच प्राकृतिक स्रोतको रोयल्टी बाँडफाँट स्वीकृत गर्ने।
मिवा-चाँगे र केराबारी–न्यू मर्स्याङ्दी १३२ केभी प्रसारण लाइन
आयोजनाको क्षतिपूर्ति निर्धारण गर्न समिति गठन गर्ने।
बुढीगंगा जलविद्युत् आयोजनाको लागि जग्गा प्राप्ती गर्न प्रारम्भिक कारबाही चलाउने अधिकारी तोक्ने।
पाल्पा २२० केभी सबस्टेशन आयोजनाको लागि जग्गा प्राप्ती गर्ने र प्रारम्भिक कारबाही चलाउने अधिकारी तोक्ने।
खोर्ले बेसी (गोरखा) ३३ केभी प्रसारण लाइन तथा सबस्टेशन आयोजनाको लागि जग्गा प्राप्ती गर्ने र प्रारम्भिक कारबाही चलाउने अधिकारी तोक्ने।
नेपाली जनताको तर्फबाट अफगान नागरिकहरुलाई मानवीय सहायता उपलब्ध गराउने।
नेपाल विश्वविद्यालयसम्बन्धी विधेयक तर्जुमा गर्न सेद्धान्तिक स्वीकृति प्रदान दिने।
तिलौराकोट कपिलवस्तु क्षेत्रलाई संरक्षित स्मारक क्षेत्र घोषणा गर्ने।
टोखा नगरपालिका र चीनको स्वायत्त क्षेत्र तिब्बतस्थित नक्छु (Nagqu) सहरबीच भगिनी सम्बन्ध कायम गर्न स्वीकृति दिने।
स्थानीय तहको विभिन्न परियोजनाको लागि जग्गा प्राप्ती गर्न विभिन्न ११ स्थानीय तहलाई स्वीकृति दिने।
राजपत्रांकित प्रथम श्रेणीका सहसचिव शंकर प्रसाद खरेललाई विशिष्ट श्रेणीको सचिव पदमा बढुवा गर्ने।
लोक सेवा आयोग/बढुवा समितिको सिफारिस बमोजिम विभिन्न सेवा समूहका राजपत्राङ्कित प्रथम श्रेणीको पदमा नियुक्ति गर्ने।
बर्ड फ्लु नियन्त्रण नियमावली, २०७८ स्वीकृत गर्ने।
चोभार सुख्खा बन्दरगाह भन्सार कार्यालयको संगठन संरचना र दरबन्दी तेरिज स्वीकृत गर्ने।
राष्ट्रिय पशु स्वास्थ्य नीति, २०७८ स्वीकृत गर्ने।
राष्ट्रिय पशु प्रजनन नीति, २०७८ स्वीकृत गर्ने।
प्रधानमन्त्री रोजगार कार्यक्रम सञ्चालन (दोस्रो संशोधन) निर्देशिका, २०७८ स्वीकृत गर्ने।
नयाँ भेरियन्ट ओमिक्रोन सहितको कोभिड-१९ महामारीको तेस्रो लहर रोकथाम तथा नियन्त्रणसम्बन्धी आदेश, २०७८ जारी गर्ने।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
