काठमाडौं– नेपालमा कोरोना भाइरस संक्रमणको ग्राफ उकालो लागेको छ। पछिल्लो २४ घण्टामा गरिएको परीक्षणबाट शुक्रबार एकैदिन ९६८ जनामा कोरोना भाइरसको संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा एन्टिजेन र पीसीआर विधिबाट १४ हजार ९७१ जनाको नमूना परीक्षण गरिएको थियो। ८ हजार २७२ जनाको पीसीआर र ६ हजार ६९९ जनाको एन्टिजेन परीक्षण गरिएको थियो।
मन्त्रालयका अनुसार पीसीआर परीक्षणबाट ५७२ र एन्टिजेन परीक्षणबाट ३९६ जनामा कोरोना संक्रमण पुष्टि भएको हो। विभिन्न सीमा नाका हुँदै भारतबाट नेपाल भित्रिनेको सीमा नाकामा एन्टिजेन परीक्षण गर्ने गरिन्छ। शुक्रबार थपिएका संक्रमितमध्ये अधिकांशजसो भारतबाट नेपाल भित्रिएका व्यक्ति रहेका मन्त्रालय स्रोतले जानकारी दिएको छ।
पछिल्लो २४ घण्टामा कोरोना संक्रमणबाट देशभर कसैको मृत्यु भएको विवरण प्राप्त नभएको मन्त्रालयले जानकारी दिएको छ। हालसम्म कोरोना संक्रमणबाट देशभर मृत्यु हुनेको संख्या भने ११ हजार ६०२ पुगेको छ।
पछिल्लो २४ घण्टामा देशभरका विभिन्न ठाउँमा गरी २६२ जना संक्रम मुक्त (निको) भएका मन्त्रालयले जानकारी दिएको छ। देशभर हाल ५ हजार ७४१ जना सक्रिय संक्रमित रहेका जनाइएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787297584.jpg)
-1786602170.png)
-1786513116.png)
