काठमाडौं– सहिद स्मारक ‘ए’ डिभिजन लिगअन्तर्गत आज (शुक्रबार)बाट आठौं चरणका खेलहरु सुरु हुँदैछन्। लिगको आठौं चरणअन्तर्गत शुक्रबार त्रिपुरेश्वरस्थित दशरथ रंगशालामा सुरुआती दुई खेल हुनेछ।
आजको पहिलो खेलमा संकटा क्लब र सातदोबाटो युथ क्लब भिड्नेछन्। संकटा र सातदोबाटोबीचको खेल दिउँसो १ बजे सुरु हुनेछ।
लिगको तेस्रो स्थानमा संकटाले ७ खेलबाट १३ अंक जोडेको छ। सातदोबाटो ८ अंक जोडेर आठौं स्थानमा रहेको छ। यस्तै दोस्रो खेलमा विभागीय टिम एपीएफ क्लब र जावलाखेल युथ क्लबबीच प्रतिस्पर्धा हुनेछ।
एपीएफ र जावलाखेलबीचको खेल ४ः४५ बजे सुरु हुनेछ। एपीएफ ६ अंक जोडेर दशौं स्थानमा रहेको छ भने जावलाखेल ७ अंकका साथ नवौं स्थानमा रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
