काठमाडौं- सत्ता गठबन्धनले आगामी राष्ट्रिय सभाको निर्वाचनका लागि भागबन्डा मिलाएका छन्।
प्रधानमन्त्री शेरबहादुर देउवाको सरकारी निवास बालुवाटारमा सोमबार बिहान बसेको गठबन्धनको बैठकले राष्ट्रिय सभा सदस्य निर्वाचनमा उम्मेदवारीको बाँडफाँट गरेका हुन्।
यसअघि सम्बन्धित पार्टीले जितेका ठाउँमा सोही पार्टीलाई नै यथावत् राख्दै थपिएका सिटमा गठबन्धन दलले भागबन्डा गरेका हुन्। राष्ट्रिय जनमोर्चाका उपाध्यक्ष दुर्गा पौडेलका अनुसार ८ वटा थप सिटमा सत्तागठबन्धनका पाँच दलबीच भागबन्डा भएको छ।
‘ज–जसले पहिले जितेका थिए। त्यहाँ ती दलहरुको नै हुने भयो,’ उनले भनिन्,‘थपिएका ८ वटामा बाँडफाँट गरिएको छ।’
उनका अनुसार नेपाली कांग्रेसलाई ३, नेकपा माओवादी केन्द्रलाई १, नेकपा एकीकृत समाजवादीलाई १, जनता समाजवादी पार्टीलाई २ र राष्ट्रिय जनमोर्चालाई १ सिट भागबन्डा गरिएको छ।
राष्ट्रिय सभामा रिक्त १९ पदमा निर्वाचन हुँदैछ।
गठबन्धन दलका अनुसार प्रदेश १ मा नेपाली कांग्रेस, नेकपा एकीकृत समाजवादी र जनता समाजवादी पार्टी नेपाल, प्रदेश २ मा नेकपा माओवादी केन्द्र र जनता समाजवादी पार्टी, बागमती प्रदेशमा नेपाली कांग्रेस र नेकपा एकीकृत समाजवादी, गण्डकी प्रदेशमा नेपाली कांग्रेस, नेकपा माओवादी केन्द्र, नेकपा एकीकृत समाजवादी, लुम्बिनीमा नेपाली कांग्रेस, नेकपा एकीकृत समाजवादी र राष्ट्रिय जनमोर्चा, कर्णाली प्रदेशमा नेकपा माओवादी केन्द्र र नेकपा एकीकृत समाजवादी, सुदूरपश्चिममा नेपाली कांग्रेस, नेकपा माओवादी केन्द्र र नेकपा एकीकृत समाजवादीले भागबन्डा गरेका छन्।
माघ १२ गते हुने राष्ट्रिय सभा निर्वाचनका लागि मंगलबार भोली उम्मेदवारी दर्ता हुँदैछ। गठबन्धनमा रहेका पाँच दलले नेकपा एमालेले जितेको आठ सिटमा भागबन्डा गरेका हुन्। १९ सिटमध्ये एमालेबाट ८ र गठबन्धनबाट ११ सदस्यहरुको सिट खाली हुँदैछ।
क-कसको सकिँदै छ पदावधि?
फागुनमा पदावधि सकिने सांसद्हरु चार वटा पार्टीका छन्, एमाले, माओवादी केन्द्र, नेकपा एकीकृत समाजवादी र कांग्रेस।
| नाम |
हालको पार्टी |
निर्वाचित भएको प्रदेश |
निर्वाचित भएको समूह |
| अगमप्रसाद वान्तवा राई |
नेकपा एमाले |
प्रदेश १ |
अपांगता भएका व्यक्ति वा अल्पसंख्यक समुदाय |
| कविता बोगटी |
नेकपा एमाले |
कर्णाली प्रदेश |
महिला |
| कोमल वली |
नेकपा एमाले |
लुम्बिनी प्रदेश |
महिला |
| चक्र प्रसाद स्नेही |
नेकपा एमाले |
सुदूरपश्चिम प्रदेश |
दलित |
| नैनकला ओझा |
नेकपा एमाले |
प्रदेश १ |
अन्य |
| परशुराम मेघी गुरुङ |
नेकपा एमाले |
प्रदेश १ |
अन्य |
| रामलखन चमार |
नेकपा एमाले |
लुम्बिनी प्रदेश |
दलित |
| सुमनराज प्याकुरेल |
नेकपा एमाले |
प्रदेश २ |
अन्य |
| खिमबहादुर विक |
नेकपा माओवादी केन्द्र |
गण्डकी प्रदेश |
दलित |
| जीवन बुढा |
नेकपा माओवादी केन्द्र |
गण्डकी प्रदेश |
अपांगता भएका व्यक्ति वा अल्पसंख्यक समुदाय |
| दीनानाथ शर्मा |
नेकपा माओवादी केन्द्र |
गण्डकी प्रदेश |
अन्य |
| रामनारायण बिडारी |
राष्ट्रपतिबाट मनोनित |
|
|
| शशिकला दाहाल |
नेकपा माओवादी केन्द्र |
प्रदेश २ |
महिला |
| उदया शर्मा पौडेल |
नेकपा एकीकृत समाजवादी |
बागमती प्रदेश |
महिला |
| ठगेन्द्र प्रकाश पुरी |
नेकपा एकीकृत समाजवादी |
गण्डकी प्रदेश |
अन्य |
| शान्तिकुमारी अधिकारी जीसी |
नेकपा एकीकृत समाजवादी |
गण्डकी प्रदेश |
महिला |
| शेरबहादुर कुँवर |
नेकपा एकीकृत समाजवादी |
सुदूरपश्चिम प्रदेश |
अन्य |
| दृगनारायण पाण्डेय |
नेपाली कांग्रेस |
लुम्बिनी प्रदेश |
अन्य |
| तारादेवी भट्ट |
नेपाली कांग्रेस |
सुदूरपश्चिम प्रदेश |
महिला |
| राधेश्याम अधिकारी |
नेपाली कांग्रेस |
बागमती प्रदेश |
अन्य |
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।