काठमाडौं- नेपालमा ९९ जना कोरोना संक्रमितहरु विभिन्न आईसीयू र भेन्टिलेटरमा उपचार गराइरहेका छन्। स्वास्थ्य तथा जनसंख्या मन्त्रालयका अनुसार ९९ कोरोना संक्रमितको देशका विभिन्न आईसीयू र भेन्टिलेटरमा उपचार भइरहेको छ। मन्त्रालयको आजको तथ्यांक अनुसार देशभर ७५ कोरोना संक्रमित आईसीयूमा र २४ भेन्टिलेटरमा गरी कुल ९९ जना उपचाररत छन्।
मन्त्रालयको आइतबारको तथ्यांक अनुसार प्रदेश १ मा १५ जना आईसीयूमा र ६ जना भेन्टिलेटरमा उपचाररत छन्। यसैगरी प्रदेश २ मा २ जना आईसीयूमा उपचाररत छन् भने बागमती प्रदेशमा ४७ जना आईसीयूमा र १६ जना भेन्टिलेटरमा उपचारत छन्।
गण्डकी प्रदेशमा २ जना आईसीयूमा उपचाररत छन्। त्यस्तै लुम्बिनी प्रदेशमा ६ जना आईसीयूमा र १ जना भेन्टिलेटरमा उपचाररत छन्। कर्णाली प्रदेशमा १ जना आईसीयूमा उपचाररत छन् भने सुदुरपश्चिममा २ जना आईसीयूमा र १ जना भेन्टिलेटरमा उपचाररत छन्। हालसम्म मृतकको कुल संख्या ११ हजार ५८५ पुगेको छ।
संक्रमितमध्ये ५० प्रतिशत काठमाडौ उपत्यकाका विभिन्न अस्पतालमा उपचाररत छन्। ३४ जना आईसीयू र १६ जनाले भेन्टिलेटरमा उपत्यकाका विभिन्न अस्पतालमा उपचार गराइरहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764080971.png)
-1763721444.png)
-1763559424.jpg)
