हिमालयन बैंकको साधारण सभा पुस ३० गते

बैंक/बिमा/सेयर

नेपाल लाइभ आइतबार, पुस ११, २०७८ १०:२३

काठमाडौं– हिमालयन बैंक लिमिटेडले गत आर्थिक वर्षको मुनाफाबाट सेयरधनीलाई वितरण गर्ने घोषणा गरेको लाभांश वितरण गर्ने र नेपाल इन्भेष्टमेन्ट बैंकसँग मर्जर प्रक्रियालाई अन्तिम स्वीकृति प्रदान गर्ने प्रस्ताव पारित गर्न साधारण सभा डाकेको छ।

बैंकको सधारण सभा पुस ३० गते केन्द्रीय कार्यालय, कमलादीमा बिहान ११ बजे सुरु हुनेछ। सभाले हाल कायम चुक्ता पूँजीको २१.३८ प्रतिशतका दरले बोनस सेयर र सोको करसहित ४.६२ प्रतिशत नगद लाभांश वितरण गर्ने विशेष प्रस्ताव पारित गर्नेछ।

साथै, सभाले नेपाल इन्भेष्टमेन्ट बैंकसँग मर्जर गर्नेसम्बन्धी सम्पूर्ण कार्यहरुलाई स्वीकृत प्रदान गर्ने, सेयर स्वाप रेशियो १ बराबर १ कायम गर्ने, प्रबन्धपत्र तथा नियमावली संशोधन गर्न सञ्चालक समितिलाई अख्तियारी दिनेलगायत प्रस्ताव पारित गर्नेछ।

साधारण सभा प्रयोजनार्थ बैंकले पुस ११ गतेदेखि बुकक्लोज गर्ने भएको छ। मर्जर प्रयोजनार्थ बैंकको सेयर कारोबार हाल दोस्रो बजारमा बन्द रहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नेपालमा अम्पायरिङको स्तरमा सुधार आवश्यक छ: सन्दीप लामिछाने

बीमा प्राधिकरण अध्यक्षको लागि दर्खास्त आह्वान

तराईमा शीतलहर: बढ्दो जोखिममा पूर्वतयारी सुस्त