काठमाडौं– बागमती प्रदेश सरकारका मुख्यमन्त्री राजेन्द्र पाण्डेले फेरि मन्त्रिपरिषद् विस्तार गरेर आफ्नो क्याबिनेटलाई ‘जम्बो’ बनाएका छन्।
नेकपा एकीकृत समाजवादीले सरकारको नेतृत्व गर्ने सहमति भएपछि मुख्यमन्त्री बनेका पाण्डेले चौंथोपटक मन्त्रिपरिषद् विस्तार गर्दै जम्बो क्याबिनेट बनाएका हुन्।
शुक्रबार साँझ थपिएका तीन मन्त्री र तीन राज्यमन्त्रीले पद तथा गोपनीयताको शपथ लिएका छन्।
प्रदेश प्रमुख यादवचन्द्र शर्माले नवनियुक्त उद्योग, वाणिज्य तथा आपूर्तिमन्त्री मिलनबाबु श्रेष्ठ, संस्कृति तथा पर्यटनमन्त्री दीपेन्द्र श्रेष्ठ, भूमि व्यवस्था, सहकारी तथा गरीबी निवारण मन्त्री बलराम पौडेललाई पद तथा गोपनीयताको शपथ गराए।
त्यस्तै, मुख्यमन्त्री पाण्डेले नवनियुक्त भौतिक पूर्वाधार विकास राज्यमन्त्री सन्तबहादुर प्रजा, स्वास्थ्य राज्यमन्त्री कल्पना नेपाली र उद्योग, वाणिज्य तथा आपूर्ति राज्यमन्त्री रजनी अमात्य जोन्छेलाई पद तथा गोपनीयताको शपथ गराए।
आज थपिएका तीन मन्त्री र तीन राज्यमन्त्री सत्ता साझेदार दल नेपाली कांग्रेसबाट थपिएका हुन्। अब बागमतीमा १८ सदस्यीय मन्त्रिपरिषद् गठन भएको छ जसमा मुख्यमन्त्री पाण्डेबाहेक १३ मन्त्री र चार राज्यमन्त्री छन्।
यस्तो बन्यो बागमतीको ‘जम्बो क्याबिनेट’ :

नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।