काठमाडौं- नयाँ बानेश्वरस्थित इन्द्रेणी कम्प्लेक्सको जिम सेन्टरमा आगलागी हुँदा दुई करोड रुपैयाँभन्दा बढीको क्षति भएको छ।
सोमबार दिउँसो करिब ३ बजे इन्द्रेणी कम्प्लेक्सका जिम सेन्टरमा आगलागी भएको हो।
आगलागीबाट जिम सेन्टरका सामानहरु जल्दा दुई करोड रुपैयाँभन्दा बढीको क्षति भएको जिम सेन्टरका सञ्चालकलाई उद्धृत गर्दै प्रहरी वृत्त बानेश्वरका डीएसपी मिमबहादुर लामाले जानकारी दिए।
दिउँसो ३ बजे आगलागीको सूचना पाउनासाथ नेपाल प्रहरी, सशस्त्र प्रहरी, नेपाली सेना र दमकलको टोली घटनास्थलमा पुगेर करिब ५० मिनेटमा आगलागी पूर्णरुपमा नियन्त्रणमा लिएको उनले बताए। प्रारम्भिक अनुसन्धानमा इन्भर्टरमा आगलागी भएर फैलिएको देखिएको उनले जानकारी दिए।
काठमाडौं, भक्तपुर र ललितपुर तीनवटै जिल्लाका दमकल समयमै आएका कारण आगलागी नियन्त्रण सम्भव भएको डीएसपी लामाले बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
