काठमाडौं– गायिका मिलन नेवार अहिले ‘द भोइस किड्स’को कोचको रुपमा छिन्। हिमालयन टेलिभिजनबाट प्रसारण हुने बालबालिका केन्द्रित रियालिटी शोमा चारमध्येकी एक कोच हुन् उनी।
शुक्रबारको कार्यक्रममा भने मिलनको अपरिपक्वता रुप देखियो। कार्यक्रममा प्रतिस्पर्धी रहेकी मिन्छमा राईको प्रस्तुतीमा कोच प्रमोद खरेल, प्रविशा अधिकारी र मिलनले ‘बजर’ थिचेका थिए। कोच प्रमोदले मिन्छमालाई आफ्नो टिममा ल्याउन चाहेका थिए। तर, मिन्छमाको गायन सकिएपछि भने मिलनले फरक व्यवहार गरिन्।
मिन्छमाले मिलनकै स्वरमा रहेको ‘तिम्ले बाटो फेर्यौं अरे’ गीतको दोस्रो भाग गाएकी थिइन्। गीत सक्किने बित्तिकै मिलन प्रतिस्पर्धीलाई लिएर स्टेज बाहिर गइन्। बाहिर उनीसँग कुराकानी गरिन्। स्टेजमा फर्किएपछि भने कार्यक्रमका अर्का कोच प्रमोदले यो नियमविपरित भएको भन्दै आपत्ति जनाए। यता, मिन्छमाले आफू कोच मिलनकै टिममा जाने बताइरहेकी थिइन्।
तर, मिलनले भने प्रमोदको कुरा स्वीकारिन्। प्रतिस्पर्धी मिन्छमाले आफ्नै इच्छाले मिलनको टिममा जान खोजेको बताइरहेको कुरामा मिलनले जिद्दी गरिरहेकी थिइन्। आफूले स्टेजबाट बाहिर लिएर जानु नियम विपरित नभएको भनिरहेकी थिइन् उनी। तर, प्रमोद भने यस्तो गर्न नमिल्ने र यो कार्यक्रमको नियमविपरित भएको बताइरहेका थिए। उनी स्टेज बाहिर गएपछि ‘रिजेक्ट’ हुने बताइरहेका थिए। आफूले यो प्रस्तुतीलाई नै नमान्ने बताइरहेका थिए, प्रमोद।
पछि दुईबीचको विवाद त सल्टियो। यस विवादलाई प्रमोद आफूले ‘मजाक’ गरिरहेको बताए। मिन्छमा मिलनकै टिममा गइन्।
कार्यक्रममा यो दृश्य स्क्रिप्टेड थियो वा थिएन्, त्यो निर्मातापक्षको कुरा हो। तर, मिलनले कार्यक्रममा भने आफ्नो अपरिपक्कता देखाइन्। प्रमोदले मजाक गरेको भनेपछि त झन उनी प्रमोदलाई मुक्कै हानुँला झैं गरिन्। प्रमोद भने उनको कुरा र उनको आवेगलाई मजाकमा उडाइदिए।
कार्यक्रममा चलिरहेको शैलीभन्दा फरक गर्ने होडमा दुई कोचबीच देखाइएको विवादले पनि मिलन अपरिपक्क भएको प्रस्तुत भयो। प्रतिस्पर्धीको गायन मनपर्नु एउटा कुरा हो। तर, आवेगमा आएर मिलनले मिन्छमालाई बाहिर लिएर जानु र कार्यक्रमको ट्रेण्डभन्दा फरक गर्न खोज्दा भएको विवादमा समकक्षीलाई हातपातै गर्न खोज्ने शैलीमा प्रस्तुत हुनुले रियालिटी शोमा नयाँ देखिएकी मिलन अपरिपक्क पनि देखिएकी छिन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788504120.jpg)
_ZtgGYzEpDO-1789120936.webp)
-1789108794-1789109712.jpeg)
-1786602170.png)
-1789631269.jpg)
