काठमाडौं- अमेरिकी जासुसी अधिकारीहरुले रूसले युक्रेनमाथि सन् २०२२ को सुरुआतमा सैन्य आक्रमण गर्नसक्ने जनाएका छन्।
अधिकारिहरुका अनुमान अनुसार यो सैन्य कारबाहीमा रुसका १ लाख ७५ हजार सैनिक सहभागी हुने बीबीसीले जनाएको छ।
राष्ट्रपति जो वाइडेन प्रशासनका एक अधिकारीले नाम नछाप्ने शर्तमा समाचार एजेन्सी एपीलाई बताए अनुसार जासुसीले आधा सैनिक पहिलादेखिनै युक्रेनको सीमा नजिक अलग अलग पोस्टमा तैनाथ भइसकेको बताएका छन्।
यो जानकारी यस्तो समयमा आएको छ, जतिबेला रूसले वाइडेन प्रशासनसँग युक्रेनलाई नेटो गठबन्धनमा सहभागी नगराउने प्रतिवद्धता मागिरहेको छ।
जासुसी अधिकारीहरुले सम्भावित आक्रमण भन्दा पहिला युक्रेन र नेटोलाई बदनाम गर्नका लागि रूसको इन्फर्मेशन अपरेशनमा फेक मिडियाको प्रयोगमा बढोत्तरी भएको जनाएका छन्। यो रिपोर्ट अमेरिकी पत्रिका वाशिंगटन पोस्टमा प्रकाशित भएको थियो।
यसअघि शुक्रबार राष्ट्रपति वाइडेनले रुसी राष्ट्रपति भ्लादमिर पुटिनका लागि युक्रेनमा सैन्य कारबाही 'निकै मुस्किल' बनाइदिने बताएका थिए। उनले आफूहरुको उद्देश्य रूसको यो आक्रमणलाई रोक्न भएको बताए।
शुक्रबार युक्रेनका रक्षा मन्त्री ओलेक्सी रेजनिकोवले संसदमा युक्रेन नजिक र रूससँग जोडिएको क्रिमियामा रुसी सैनिकको संख्या अहिले ९४ हजार रहेको र आगामी वर्षको जनवरीसम्ममा ठूलो संख्यामा सैनिक वृद्धिको सम्भावना रहेको बताएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
