काठमाडौं– भारतको कर्नाटकमा कोरोना भाइरसको नयाँ भेरियन्ट ओमिक्रोनका दुई संक्रमित फेला परेपछि महाराष्ट्र सरकारले यात्रुहरुका लागि कडाइ गरेको छ।
समाचार एजेन्सी एएनआईका अनुसार महाराष्ट्र सरकारले बाहिरबाट आउने यात्रुका लागि नियम परिवर्तन गरेको हो।
नयाँ नियम अनुसार घरेलु उडानबाट महाराष्ट्र आउने व्यक्तिले विमानमा चढ्नुअघि दुवै खोप लिएर आउनु पर्ने छ। यदि खोज नलगाएको भए पछिल्लो ७२ घण्टामा गरिएको पीसीआर परीक्षणको नेगेटिभ रिपोर्ट देखाउनुपर्नेछ।
बिहीबार स्वास्थ्य मन्त्रालयका सहसचिव लव अग्रवालले भारतमा ओमिक्रोन संक्रमित फेला परेको पुष्टि गरेका हुन्। उनका अनुसार ती दुवै संक्रमित कर्नाटकका हुन्।
मन्त्रालयको पत्रकार सम्मेलनमा अग्रवालले ६६ र ४६ वर्षीय व्यक्तिमा ओमिक्रोन संक्रमण देखिएको बताए।
उनका अनुसार ती दुई जना दक्षिण अफ्रिकाबाट आएका थिए। उनीहरुमा सामान्य लक्षणसमेत देखिएको थियो। नोभेम्बर २७ देखि उनीहरु क्वारेन्टिनमा बसिरहेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
