काठमाडौं- नेकपा माओवादी केन्द्रले शनिबार पालिका अधिवेशन गरे पनि अधिकांश पालिकामा विवाद हुँदा सम्पन्न हुन सकेको छैन। देशभरका ७५३ पालिका र गैरभौगोलिक २३ गरी ७७६ पालिकाको शनिबार अधिवेशन भएको थियो।
त्यसमध्ये करिब ४०० पालिकाको मात्रै अधिवेशन सर्वसम्मत टुंगो लागेको केन्द्रीय निर्वाचन आयोगका अध्यक्ष विष्णुपुकार श्रेष्ठले बताए। देशभरका ६ महानगरपालिकामध्ये दुई महानगरको मात्रै अधिवेशन सर्वसम्मत रुपमा टुंगो लागेको छ। भरतपुर महानगरपालिका र विरगञ्ज महानगरपालिकाको अधिवेशन सम्पन्न भई अध्यक्षसहित पदाधिकारी र सदस्यहरुको समेत टुंगो लागेको छ।
काठमाडौ, ललितपुर, पोखरामा नेतृत्वसहित पदाधिकारी टुंगो लाग्न सकेको छैन। विराटनगर महानगरको सम्मेलन नै मंसिर १६ गतेका लागि सारिएको छ।
भरतपुर महानगरपालिका अध्यक्षमा ईश्वर सापकोटा
चितवनको भरतपुर महानगरपालिका अध्यक्षमा ईश्वर सापकोटाको अध्यक्षमा ९९ सदस्यीय कमिटी बनाएको छ। सापकोटाको नेतृत्व समितिमा उपाध्यक्षहरु सुरेन्द्र गुरुङ, टंक न्यौपाने, पवित्रा रिजाल, सचिवमा निशा न्यौपाने, सहसचिव प्रकाश कंडेल र कोषाअध्यक्ष हरिश्चन्द्र सुवेदी छन्।
विगरगञ्ज महानगरपालिका अध्यक्षमा अन्सारी
विगरगञ्ज महानगरपालिका अध्यक्षमा रहबर अन्सारी अध्यक्षमा दोहोरिएका छन्। यसअघि पनि अन्सारी अध्यक्षको जिम्मेवारीमा थिए। अरु पदाधिकारीमध्ये उपाध्यक्षामा क्रमशः अनिरुद्ध यादव, जमादिन अन्सारी, राजु बैठा, सचिव सुरेन्द्र गुप्ता र कोषाअध्यक्ष रेणु कार्की छन्। अन्सारीको नेतृत्वमा ९९ सदस्यीय कमिटी बनाएको छ।
ललितपुर महानगरपालिकामा जुटेन सहमति
ललितपुर महानगरपालिका अध्यक्षमा बाबुराजा बर्जचार्य हुने सहमति भए पनि पदाधिकारीमा आंकाक्षी धेरै भएपछि शनिबारको पालिका सम्मेलनमा ९९ सदस्यीय महानगर कमिटी मात्रै बनाएको छ। पदाधिकारीमा जान खोज्नेको संख्या धेरै भएपछि अध्यक्षसहित पदाधिकारीको निर्वाचन गर्नुपर्ने अवस्थामा पुगेको छ।
काठमाडौंमा अध्यक्षसहित पदाधिकारीमा विवाद
काठमाडौं महानगरपालिका संयोजकमा रविन्द्र श्रेष्ठले जिम्मेवारी सम्हाल्दै आएका थिए। अध्यक्षसहित पदाधिकारीमा को-को जाने भन्ने विषयामा विवाद भएपछि ९९ सदस्यीय कमिटी मात्रै बनाएको क्षेत्र नम्बर १ का अध्यक्ष अनिल शर्माले बताए।‘अध्यक्ष सहित पदाधिकारीमा को को जान्ने विषयमा सर्वसम्मत हुन सकेन। त्यसैले ९९ सदस्यीय महानगरपालिका कमिटी बनाएको छ’ शर्माले भने,‘सोमबार र मंगलबारसम्म अध्यक्षसहित पदाधिकारी सर्वम्मत नभए निर्वाचनबाट टुंग्ने छ।’
पोखरा महानगरपालिका अध्यक्षमा विवाद
पोखरा महानगरपालिका अध्यक्ष को हुने भन्ने विषयमा विवाद हुँदा सम्मेलन टुंगो लाग्न सकेको छैन। अध्यक्षका लागि कृष्ण गिरी ‘विज्ञान’ र गंगा पोखरेलले दाबी गरेका छन्। अध्यक्षमै विवाद भएपछि पदाधिकारीसहित कमिटी नै टुंगो लाग्न सकेको छैन।
विराटनगर महानगरपालिका सम्मेलन १६ गते हुने
माओवादी केन्द्रले प्राय: सबैजसो पालिका अधिवेसन सम्पन्न गरे पनि विराटगर महानगरपालिकाले मंसिर १६ गते गर्ने भएको छ। अर्थ मन्त्री जनार्दन शर्मालाई प्रमुख अतिथि बनाएर महानगर अधिवेसन गर्ने भएकाले रोकिएको केन्द्री सदस्य शिवकुमार मण्डलले बताए।
‘हामीले सल्लाहमै मंसिर १६ गते अर्थ मन्त्रीज्यूलाई प्रमुख अतिथि बोलाएर विराटगरमहानगर अधिवेसन गर्ने तयारीमा छौ’ मण्डलले भने,‘प्राय सबै महानगरमा को-को हुने सहमती भइसकेको छ। तोकिएकै समयमा महानगर सम्मेलन सक्छौ।’ महानगर अध्यक्षमा भोगेन्द्र यादव छन्। उनकै नेतृत्वमा महनगर अधिवेसन सक्ने तयारी गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
