काठमाडौं- इङ्ल्यान्डका पसल र सार्वजनिक यातायातमा फेस मास्क अनिवार्य हुने भएको छ। दक्षिण अफ्रिकामा फेला परेको कोरोना भाइरसको नयाँ रूप ‘ओमिक्रोन’ संक्रमित फेला पर्न थालेपछि स्वास्थ्य मन्त्रालयले मंगलबारदेखि यो नियम लागु गर्ने भएको हो।
बेलायतका स्वास्थ्यमन्त्री साजिद जाभिदले नयाँ ओमिक्रोन भेरियन्टका कारण मास्क अनिवार्य गरिएको जानकारी दिए।
इङ्ल्यान्ड, वेल्स, स्कटल्याण्ड र उत्तरी आयरल्याण्डसँग सहमति भएपछि विदेशबाट आउने यात्रुले अनिवार्य रुपमा पीसीआर परीक्षण गर्नुपर्ने नियम छिट्टै लागू हुने पनि उनले बताए।
सबैले आ–आफ्नो परिवारसँग क्रिसमस मनाउन सकून् भनेर पछिल्ला कदम चालिएको स्वास्थ्यमन्त्री जाभिदको भनाइ थियो।
‘हालसम्म हामीले हासिल गरेको प्रगति रक्षा गर्दै सबैले आ–आफ्नो परिवारसँग क्रिसमस मनाउन सकून् भनेर नै हामीले हिजो यी नियम ल्याएका हौं,’ उनले भने ।
सरकारले आवश्यक परेको खण्डमा तत्काल उपयुक्त कदम चाल्ने पनि उनले बताए। सरकारका खोप सल्लाहकारले चाँडै नै बुस्टर कार्यक्रम परिमार्जनका हकमा सुझाव दिने पनि उनको अपेक्षा थियो ।
सरकारले वोर्क फ्रम होमको आदेश भने दिएको छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
