भीम रावल निकट नेता भन्छन्- किनारामा पारेर गरेको निर्णय सर्वसम्मत हुँदैन

महाधिवेशन विशेष

नेपाल लाइभ आइतबार, मंसिर १२, २०७८ १४:४९

सौराहा– एमाले उपाध्यक्ष भीम रावल निटक नेता प्रकाश शाहले एक पक्षलाई किनारामा पारेर गरिएको निर्णयलाई सर्वसम्मत मान्न नसकिने बताएका छन्। आइतबार बन्दसत्र परिसरमा नेपाल लाइभसँग कुरा गर्दै उनले अध्यक्षका दुई आकांक्षीबीच छलफल हुनुपर्ने बताए।

'एक पक्षसँग छलफलै नगर्ने, अर्को पक्षले एकमना ढंगले घोषणा गरेर त्यसैलाई सहमति भनियो भने बहुमत पक्षले समर्थन गरे पनि आम रुपमा त्यो सहमति होइन। त्यसले परिणाम पनि दिन सक्दैन', उनले भने, 'टाढाटाढा बसेर सहमति हुन्छ र? संवादको लागि पहल गर्ने काम पार्टी अध्यक्षको हो।'

शाहले विचार र सिद्धान्तमा कुनै विवाद नभएको भन्दै पार्टी अध्यक्षका आकांक्षीहरु केपी शर्मा ओली र भीम रावलका बीचमा संवाद हुनुपर्ने बताए। 'दिल दिमागले अहिलेका आन्दोलनका समस्याहरुलाई केलाउनुपर्छ। पार्टीको अगाडिका चुनौतीलाई, कार्यकर्ता र राष्ट्रको अपेक्षालाई विश्लेषण गरेर जाने कुरालाई सहमति भनिन्छ', उनले भने।

ओली र रावलबीचको सहमतिका लागि अन्य पदका आकांक्षीहरुले पनि त्यसमा सघाउनुपर्ने उनको भनाइ छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

‘टिपर’ दुर्घटनामा चालकको मृत्यु

संसद्का दुवै सदनको बैठक बस्दै, सांसदले उठाएका पश्नको प्रधानमन्त्री ओलीले जवाफ दिने

आफै अमेरिका छाड्न चाहने अवैध आप्रवासीले अब बोनस पाउने