धनुषा- नेपाली कांग्रेसको १४औँ महाधिवेशनअन्तर्गत धनुषाको आठ प्रदेशसभा निर्वाचन क्षेत्रमध्ये सात क्षेत्रमा नेतृत्व चयन भएको छ।
धनुषाका ७ क्षेत्रमध्ये ६ प्रदेशसभा निर्वाचन क्षेत्रमा सहमतिमा नेतृत्व चयन भएको नेपाली कांग्रेस धनुषाका सभापति महेशशङकर गिरीले जानकारी दिए।
चयन भएका नेतृत्वमा क्षेत्र नम्बर १ (क) मा जगतसुन्दर साह र क्षेत्र नम्बर १(ख) मा ऋषि लामा प्रदेश क्षेत्रीय सभापतिमा निर्वाचित भए।
क्षेत्र १ (क) मा सहमतिमै नेतृत्व चयन भए पनि १(ख) मा सहमति नजुटे पछि निर्वाचन प्रक्रियाबाट क्षेत्रीय सभापतिमा लामाले २२५ मत प्राप्त गरी विजयी भएका छन् भने उनका प्रतिद्वन्द्वी मदन यादवले ७५ प्राप्त गरे।
धनुषा निर्वाचन क्षेत्र नम्बर २(क) मा पनि सहमतिमै नेतृत्व चयन भएको छ। उक्त क्षेत्रमा सुजित साह सभापतिमा निर्वाचित भए। क्षेत्र नम्बर २ (ख) मा सहमतिको प्रयास जारी रहेको र सहमति जुट्न नसके मतदान प्रक्रियामा जाने तयारी भएको धनुषा सभापति गिरीले बताए।
धनुषा ३ को दुवै निर्वाचन क्षेत्रमा पनि सहमति मै नेतृत्व चयन भएको छ। धनुषा निर्वाचन क्षेत्र नम्बर ३(क) मा छेदी राउत र ३(ख) मा रामचन्द्र पजियार प्रदेशसभा क्षेत्रीय सभापतिमा निर्वाचित भए। धनुषा निर्वाचन क्षेत्र नम्बर ४ मा पनि सहमति मै नेतृत्व चयन भएको छ।
निर्वाचन क्षेत्र नम्बर ४(क) मा योगनारायण यादव र ४(ख) मा बासुदेव पौडेल प्रदेशसभा क्षेत्रीय सभापतिमा निर्वाचित भए। प्रदेशसभा क्षेत्रीय अधिवेशन सकिएसँगै मंसिर १२ गते प्रतिनिधिसभा क्षेत्रीय अधिवेशन गर्ने तयारी रहेको जिल्ला निर्वाचन सचिवालय प्रमुख रामगुलाम कर्णले जानकारी दिए। धनुषामा चारवटा निर्वाचन क्षेत्र छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
