काठमाडौं– भारतले डिसेम्बर १५ देखि नियमित अन्तर्राष्ट्रिय हवाइ उडान सुरु गर्ने भएको छ।
भारतको नागरिक उड्डयन मन्त्रालयलाई उदृत गर्दै डिसेम्बर १५ देखि नियमित अन्तर्राष्ट्रिय हवाई उडान सुरु गर्न लागेको पीटीआईले जानकारी दिएको हो।
भारत सरकारले कोरोना महामारी बढ्न थालेपछि गत वर्षको मार्च महिनादेखि अत्यावश्यक वस्तु ढुवानी तथा सुपुर्दगी सेवाको हकमा बाहेकका अन्तर्राष्ट्रिय हवाई उडानमाथि प्रतिबन्ध लगाएको थियो।
तर, कोरोना संक्रमित घट्न र खोप लगाउनेको संख्या बढ्न थालेपछि प्रतिबन्ध क्रमश: खुकुलो पार्न थालेको छ। यस क्रममा भारतले २५ मुलुकसँग ‘एयर बबल’ सहमति समेत गरेको छ।
तर, डिसेम्बर १५ देखि नियमित अन्तर्राष्ट्रिय हवाई उडान हुने मुलुकको सूचीमा भने चीनसहित १४ मुलुकको नाम समावेश गरिएको छैन।
सूचीमा चीनसहित फिनल्याण्ड, दक्षिण अफ्रिका, ब्राजिल, बंगलादेश, बोत्स्वाना, मौरिसस, न्यूजिल्याण्ड, बेलायत, फ्रान्स, जर्मनी, नेदरल्याण्ड, जिम्बाब्बे र सिंगापुर नपरेको समाचारमा लेखिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
