काठमाडौं– दक्षिण अफ्रिकामा कोरोनाको नयाँ भेरियन्ट फेला परेको छ।
बेलायतका विज्ञहरुले उक्त भेरियन्ट (बी.१.१.५२९) अहिलेसम्म देखापरेका कोरोनाको सबैभन्दा खराब भेरियन्ट रहेको दाबी गरेका छन्।
दक्षिण अफ्रिकास्थित सेन्टर फर इपिडेमिक रेस्पोन्स एण्ड इनोभेसनका निर्देशक प्राध्यापक टुलिओ डी ओलिभियराले यो भेरियन्ट धेरै संख्यामा उत्परिवर्तित भएको बताएका छन्।
‘यसअघि देखिएका भेरियन्टमध्ये यो धेरै भिन्न र उत्परिवर्तनको अस्वाभाविक समूह हो। यो भेरियन्टमा ५० वटा उत्परिवर्तन छ र ३० भन्दा बढी उत्परिवर्तन केवल स्पाइक प्रोटिनमा मात्रै छ,’ उनले भने।
वैज्ञानिकहरुले कोरोनाविरुद्ध बनेका खोप नयाँ देखिएको भेरियन्टमा प्रभावकारी नहुन पनि सक्ने दाबी गरेका छन्। भाइरसको धेरै उत्परिवर्तनहरू खराब हुन्छन् भन्ने हुँदैनन् तर, उत्परिवर्तनले के गर्छन् भन्ने थाहा पाउन भने जरुरी हुने उनीहरुले बताएका छन्।
भेरियन्ट फैलिरहँदा बेलायत, इजरायल र सिंगापुरलगायत धेरै देशहरूले यात्रा प्रतिबन्ध लगाएका छन्।
यस्तै, बेलायतले दक्षिण अफ्रिकी ६ वटा देशका नागरिकहरूलाई यात्रा प्रतिबन्ध लगाउने भएको छ। दक्षिण अफ्रिकाको स्वास्थ्य विभागले प्रेस ब्रिफिङ गर्दै यो भेरियन्ट सोचिएभन्दा पनि छिटो फैलिरहेको जनाएको छ।
तर, डेल्टा भेरियन्ट जस्तो संक्रामक हुने हो वा होइन भनेर अहिले नै अड्कल लगाउन भने नसकिने दाबी गरेको छ।
विश्व स्वास्थ्य संगठनका विज्ञहरू यसबारे बुझ्न दक्षिण अफ्रिकी अधिकारीहरूसँग शुक्रबार बैठक बस्दैछन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764383179.png)
-1764146706.png)
-1763721444.png)
-1763559424.jpg)
-1764080971.png)
