काठमाडौं– सुर्खेतको कांग्रेस अधिवेशनमा संस्थापन इतर पक्ष निरीह देखिएको छ। संस्थापन इतर पक्षमा रहेका जिल्लाका उच्च तहका नेताहरु अधिवेशनमा पराजित भएका छन्।
संस्थापन पक्ष सुर्खेतमा हाबी हुँदा पूर्व मन्त्री तथा जिल्ला सभापति नै महाधिवेशन प्रतिनिधिमा पराजित भएका छन्। सुर्खेतको अधिवेशनमा महामन्त्री पूर्ण बहादुर खड्का शक्तिशाली देखिएका छन्। दुबै निर्वाचन क्षेत्रमा खड्का पक्षधरका सभापतिले जित निकालेका छन्।
सुर्खेत–२ बाट पूर्वमन्त्री शिवराज जोशी, पूर्वराज्यमन्त्री खड्गबहादुर बस्याल र जिल्ला सभापति कमलराज रेग्मी महाधिवेशन प्रतिनिधिमा पराजित भए। महाधिवेशन प्रतिनिधिमा पराजित भएका पूर्वमन्त्री जोशीले ३१० मत प्राप्त गरे।
खुलातर्फ केन्द्रीय महाधिवेशनमा १० जना चयन हुनुपर्नेमा उनी १३ औं नम्बरमा परेका थिए।
महाधिवेशन प्रतिनिधिमा पराजित पूर्व राज्यमन्त्री बस्यालले ३०२ मत ल्याए।
दलित क्लस्टरबाट उठेका बस्याललाई लोकबहादुर विश्वकर्माले हराए। विजयी विश्वकर्माले ४७३ मत प्राप्त गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787723619.jpg)
-1786602170.png)
